Kó͘-tián le̍k-ha̍k

Kó͘-tián le̍k-ha̍k (古典力學; Eng: classical mechanics) sī le̍k-ha̍k ê chi̍t mn̂g hun-iá. Kó͘-tián le̍k-ha̍k sī í Newton ūn-tōng hoat-chek chò ki-chhó͘, tī hông-koan sè-kài kap kē-sok chōng-hóng hā, gián-kiù bu̍t-thé ūn-tōng ê ki-pún ha̍k-kho. Kó͘-tián le̍k-ha̍k sī siōng-chá pī chiap-siū chiâⁿ-chò le̍k-ha̍k ê ki-pún kong-niá. Kó͘-tián le̍k-ha̍k koh ē-sái pī khu-hun chò chēng-le̍k-ha̍k, ūn-tōng-ha̍k kap tōng-le̍k-ha̍k. 16 sè-kí, Galileo Galilei chiū í-keng chhái-iōng kho-ha̍k si̍t-giām kap sò͘-ha̍k kái-sek ê hong-sek lâi gián-kiù le̍k-ha̍k. Isaac Newton sī tē-it ūi sú-iōng sò͘-ha̍k giân-gú lâi biâu-su̍t le̍k-ha̍k hiān-siōng ê kho-ha̍k-ka.