Tek-kok Siā-hōe-bîn-chú Tóng

Tek-kok Siā-hōe-bîn-chú Tóng (Tek-gí: Sozialdemokratische Partei Deutschlands, SPD), 1863 nî sêng-li̍p kàu taⁿ ê Tek-kok chèng-tóng.

Logo

SPD ê le̍k-sú ē-sái kóng tùi 1863 nî khai-sí. Hit-nî ê 5 goe̍h 23 Ferdinand Lassalle cho· It-poaⁿ Tek-kok Kang-lâng Hia̍p-hōe (Allgemeiner Deutscher Arbeiterverein, ADAV). 1869 nî August Bebel kap Wilhelm Liebknecht sêng-li̍p Tek-kok Siā-hōe-bîn-chú Kang-lâng Tóng (Sozialdemokratische Arbeiterpartei, SDAP). Chit 2-ê chú-tiuⁿ sio-oá ê cho·-chit tī 1875 nî ha̍p-pèng chò 1-ê Tek-kok Siā-hōe-chú-gī Kang-lâng Tóng (Sozialistische Arbeiterpartei Deutschlands, SAPD). 1890 nî SAPD kái-miâ pìⁿ kin-á-ji̍t ê SPD.

Tī 1918–1919 nî SPD hām kun-hong iū-phài ha̍p-chok táⁿ-ap Kiōng-sán-tóng (KPD). Nazi chèng-koân tī 1933 nî hùi-tû SPD.

1959 nî SPD chèng-sek soan-pò· hòng-khì Marx-chú-gī ê lí-liām, kái kiông-tiāu siā-hōe hok-lī ê chèng-chhek.

Tī 1990 nî-tāi, Gerhard Schröder chiūⁿ-tâi liáu-āu, khai-sí chiap-siū chi̍t-kóa sin-chū-iû-chú-gī ê lí-liām.