"Lū Siù-liân" pán-pún chi-kan bô-kāng--ê tē-hng

1979 nî 8 ge̍h, Lū Siù-liân chham-ú ''Bí-lē-tó'' chit-pún cha̍p-chì ê chhòng-pān, chhut-jīm cha̍p-chì-siā siā-tiúⁿ, mā chiâⁿ-chòe āu-kî tóng-gōa ūn-tōng ê chú-iàu jîn-bu̍t. Hit-nî ê 12 ge̍h 10 hō, '''Bí-lē-tó''' cha̍p-chì siā thàn-tio̍h kì-liām sè-kài jîn-kôan-ji̍t ê ki-hōe, tī [[Ko-hiông]]-chhī chó·-chit chi̍p-hōe pēng-chhiáⁿ gia̍h hóe-kū iû-hêng se̍h ke-á-lō·, kiông-lia̍t iau-kiû chèng-hú kài-tû "Kài-giām", khai-hòng "tóng-kim" kah "pò-kìm", āu--lâi cho-siū chèng-hú tìn-a̍p. In-ūi chham-ú chit-pái ê sū-kiāⁿ, sia̍p-hiâm '''pōan-lōan chōe''' hō· [[kun-sū hoat-têng]] pòaⁿ-hêng 12 nî. 1984 nî 3 go̍eh, tng-leh ho̍k-hêng ê Lū Siù-liân, thàn sin-khu lāu chèng-thâu hoat-chok tit-tio̍h '''pó-gōa chiū-i''' chhut-gia̍p. Chāi chhin-chiâⁿ chàn-chō· hā, Lū Siù-liân chiah ū-hoat-thong tiàm Bí-kok tha̍k-chheh. Tiàm Bí-kok kî-kan, i chhòng-pān [[Pak-bí-chiu Tâi-ôan Hū-lú-hōe, hām hái-gōa ê tâi-to̍k jîn-sū liân-hē bi̍t-chhiat. Lū Siù-liân tn̂g-kî thê-sak '''Hū-lú ūn-tōng''', cheng-chhún bîn-chú chū-iû, hóan-khòng Kok-bîn-tóng to̍k-chhâi thóng-tī, hō· lâng khōaⁿ-chò Tâi-ôan '''sin lú-sèng chú-gī chhòng-chō-chiah, thui-tōng-chiá''' kah '''tóng-gōa tē-it châi-lú'''. M̄-koh chit-ê sî-chūn ê Lū Siù-liân si̍t-chè-siōng í-keng ôan-chôan chiâⁿ-chòe '''kek-toan tâi-to̍k hūn-chú'''. 1988 nî, Lū Siù-liân tò-tńg-kàu Tâi-ôan, keh-nî chiâⁿ-chòe '''Bîn-chú lâng Tông-bêng-hōe''' kah '''Sin lú-sèng Liân-ha̍p-hōe''' ê lí-sū-tiúⁿ. Kāng-nî-tō· ê 11 ge̍h, Lū Siú-liân ka-ji̍p Bîn-chín-tóng, chhú-khí liáu-āu, i ôan-chôan iōng tio̍h cha̍p-chiok ê tāi-to̍k bīn-māu chhut-hiān tī Tâi-ôan ê chèng-tī bú-tâi.