Thó-lūn:Kim Il-sung
Chi̍t-ê kiàn-gī: lán sī m̄-sī lâi chun-tiōng sèng-bêng-koân (姓名權), kā 金日成 chit-tiâu ēng in Hâng-gí ê ho·-im khah hó. Goá khoàⁿ chit-má lán ū ê Ji̍t-pún-lâng ê miâ, lóng sī ēng Ji̍t-gí ho·-im lâi siá kám m̄-sī?
Kāng 1-ê hàn-jī, tī Oa̍t-lâm, Ji̍t-pún, Hân-kok, Hō-ló, Hak-kâ téng-téng ê ho·-im lóng koh-iūⁿ, goá ê miâ sī Hō-ló-im, ēng Hoâ-gí tha̍k tō bô chèng-khak. Che hām kāng-chi̍t-thò lô-má-jī, tī se-kok ta̍k kok-ka ê gí-giân ho·-im bô-kâng, sī kāng-chi̍t-ê ì-sù.
Koh chìn-chi̍t-pō·, goá khoàⁿ Ji̍t-pún ê chheh kap pò-choá, nā kóng-tio̍h Tiong-kok ê tē-hō-miâ ho·-im, mā lóng-sī ēng kata-kana siá Hôa-gí ê ho·-im, bô ēng in Ji̍t-pún hàn-jī ê im, chit-khoán thāi-tō·, si̍t-chāi chin ta̍t-tit lán lâi su-khó. Ló·-la̍t ^^ 01:56 Chhit-goe̍h 31, 2006 Taokara
- Che ē-sái lâi-khì Wikipedia:Siá-chok ê kui-hoān#Lâng-miâ gī-lūn. Goá kám-kak che kah "chun-tiōng"/"bô chun-tiōng" bô it-tēng ê koan-hē. Chhin-chhiūⁿ goá ū 1 ê peng-iú hō chò "Henry" (Eng-gí), m̄-koh i ê Hoat-kok peng-iú kiò i "Henri" (Hoat-kok seⁿ-sêng ū ê miâ, kah Tek-gí Heinrich, Se-pan-gâ-gí Enrique kāng gí-goân) -- che kiám-chhái sī 1 chióng si̍t-koàn. Ji̍t-pún miâ kah Hân-miâ ê cheng-chha: Hân-miâ khoàⁿ--khí-lâi khah sêng Hō-ló miâ, koh ū phoè Hàn-jī (sui-jiân lí-lūn-siōng tī Tiâu-sián-kok í-keng hùi-tiāu). Pí-kàu-te̍k kā Aung San Suu Kyi hō chò "昂山素季", lán tō kám-kak sī "chhòng-chok" (koh, "Kyi" ê im khah oá "chhih", mā m̄ sī "季"). Koh-jîn koan-tiám, bóng chham-khó. A-giâu 03:57, 31 Chhit-goe̍h 2006 (UTC)
發起關於Kim Il-sung的討論
討論頁是用於討論如何將Wikipedia上的內容變得更好的地方。您可以使用此頁面與他人討論如何改善Kim Il-sung的事宜。
