Thó-lūn:Odusseia

Odusseia kap Odysseus

Odusseia kap Odysseus sī m̄ sī ū koá gí-goân koan-hē? Kah-nā siá Odusseia, án-ne, Odysseus sī m̄ sī ài siá chò chhan-chhiūⁿ Odussens (?) hit khoán? --Kiatgak 04:01, 9 Cha̍p-goe̍h 2006 (UTC)

Chit-phiⁿ chham-khó--ê mā sī en:, tī hin lāi-té, si ê miâ kap chú-kak ê miâ pheng-siá tek-si̍t koh-iūⁿ, m̄-koh goá tō-iā m̄-bat Hi-lia̍p-gí, só͘-í m̄-chai chit-2-ê sû tiong-kan ū siáⁿ-mi̍h koan-hē--bô. Nā Eng-gí-pán koan-hē sū-sū-si kap hit-ê chú-kak ê miâ, Hi-lia̍p-gí ê goân-bûn sī chhin-chhiūⁿ ē-kha án-ne:

sū-sū-si: Ὀδύσσεια

sū-sū-si ê chú-kak: Ὀδυσσεὺς

--Taokara 04:56, 9 Cha̍p-goe̍h 2006 (UTC)

Ὀδυσσεὺς (Kó͘ Hi-lia̍p-bûn) = Ὀ(O)δ(d)υ(u/y)σ(s)σ(s)ε(e)ὺς(?s) A-giâu 06:22, 9 Cha̍p-goe̍h 2006 (UTC)

Goá tú-chiah chiah khoàⁿ-tio̍h he υ téng-koân, ū 1-jī ū ke 1-tiám, ū 1-jī bô--neh, che kám sī Lô-má jī-bó͘ siá choè "u" ia̍h "y" ê kin-kì?

sū-sū-si: Ὀδύσσεια; sū-sū-si ê chú-kak: Ὀδυσσεὺς. --Taokara 06:28, 9 Cha̍p-goe̍h 2006 (UTC)

Hit jī "ύ" iōng Charis SIL khoàⁿ, sī phiat tī chiàⁿ tiong-ng, m̄-koh èng-kai sī bē-su POJ tē 2 siaⁿ (acute), tāi-piáu Kó͘ Hi-lia̍p-gí ê siaⁿ-tiāu (khó-pí Ji̍t-gí ê siaⁿ-tiāu ū pun koân-ke). "υ" (toā-siá = Υ) khah chá-kî tha̍k [y] ia̍h [yː] (khan khah tn̂g), āu--lâi pìⁿ [u]/[uː]. A-giâu 13:43, 9 Cha̍p-goe̍h 2006 (UTC)

Kah-nā-sī án-ne, tio̍h kā si kap lâng ê miâ lóng ēng kāng 1-ê piau-chún, khoàⁿ sī beh lóng ēng y, ia̍h-sī beh lóng ēng u. Taokara 14:47, 9 Cha̍p-goe̍h 2006 (UTC)

Ὀδυσσεὺς (Kó͘ Hi-lia̍p-bûn) = Ὀ(O)δ(d)υ(u/y)σ(s)σ(s)ε(e)ὺς(?s) lāi-té siōng boé tē 2 ê ὺ sī GREEK SMALL LETTER UPSILON WITH VARIA, mài chhap hù-ka-hû-hō, mā sī kap thaû-chêng hit ê kāng khoán sī UPSILON, ē-tàng siá chò u ia̍h y. (Chhiáⁿ chham-khó Greek alphabet kap GREEK SMALL LETTER UPSILON WITH VARIA.) --Kiatgak 04:53, 10 Cha̍p-goe̍h 2006 (UTC)

奧德賽

奧德賽（希臘語：Ὀδύσσεια；Odusseia；英語：Odyssey）是古早希臘兩首主要的敘事詩內底的一首(另外彼首是伊利亞德(Ilias))，一般攏共作者當做是荷馬(Homeros)，這首詩的年代約其略是西元前800到600年中間，內容有一部份是伊利亞德的後齣，首要是講希臘的英雄奧德賽(Odysseus)，佇特洛伊(Troia)攻破城了後的漂浪，伊結束久長的漂浪進前所拄著的代誌，佮伊上尾矣總算轉去伊原底的故鄉伊沙基(Ithaki)。

十冬的戰爭收煞了後，希臘軍隊因為得失海神(Poseidon)，結果全部齊死，干焦奧得賽靠計智逃生，毋過煞開十冬才轉去到伊沙基，因為差不多逐个攏量講伊已經過身矣，伊無佇咧的彼二十冬，怹囝泰利馬可斯(Telemachus)佮怹某潘妮洛普(Penelope)著扭搦強強搬入怹厝的一陣真拗蠻的追求者，這陣人互相交拚，欲潘妮洛普嫁怹。

奧德賽是西國經典裡誠根本的一部，佮現此時，佇世界逐所在，攏猶有人咧讀，毋管是讀荷馬時代的希臘原文，或者是翻譯本，今這首詩已經捷予人印版矣，毋過當原初伊是古傳的，予經過訓練的浮浪詩人唱的，唱的語言是一種透濫的古早希臘方言，閣配合一款強弱弱格六部格的詩韻。

這首詩的結構毋是掠直行迵尾的，徘比會用得講嶄然仔現代，閣內容有共查某人佮下層階級的地位捒懸，佇英語等等的語言裡，奧德賽(英語: Odyssey)這个詞嘛已經予人提來表示長期漂浪的旅行。