Thó-lūn:Pò͘-tē-hì
布袋戲
siu-kái
布袋戲是一種地方戲劇，閩南布袋戲主要流行佇閩南佮臺灣，並且佇臺灣得著真大的改良，上出名的，比論黃俊雄布袋戲，算是臺灣電視布袋戲的代表，伊的表演藝術佮語言風格有真懸的水準，布袋戲佇臺灣甚至發展成做一款流行文化。
有關布袋戲的記載
siu-kái布袋戲佇中國民間，嘛叫做手中傀儡，伊的歷史譀譀久長，根據武林舊事佮東京夢華錄的記載，中國宋代的時著已經有布袋戲的表演出現佇宮廷宴會當中。
閩南布袋戲上早出現佇明朝嘉靖的時代，傳說講，泉州秀才梁炳鳞因為考功名無牢，心情鬱卒，有一工伊招朋友鬥陣去泉州開元寺抽籤卜卦，相命先佇伊的手掌寫了五个字功名在掌中，Lái講這个梁先生從對開元寺倒轉來了後，嘛毋捌閣考著功名，伊看破流浪佇街頭巷尾，講古度日子，因為驚見笑，刁工用一塊布簾仔掠面，無愛予人認出伊來，伊自我解說講這號做隔簾仔講古，有一日，一个人傀儡戲的師傅嘛來聽梁秀才講古，這个人傀儡尪仔的師傅感覺梁秀才講古講了真正讚，尤其語言趣味閣kho̍k-khe(笑詼)，故事講甲徛真徛現，了後，這个傀儡師chôaⁿ建議粱秀才講古的時著愛手提傀儡尪仔，那講那弄，並且教伊弄傀儡尪仔的撇步，這以後，佇閩南地區著沓沓仔出現這種手中傀儡戲，因為傀儡尪仔的身軀是用布做的lâng-á-pak，親像布袋，在地的百性chôaⁿ共伊號做布袋戲。
不而過另外閣有一種講法，講彼是因為表演的家私頭仔真簡單，干焦有一跤布袋著會當四界去表演，所以叫做布袋戲。
文字記載講，布袋戲開始佇泉州這个所在時行起來，差不多是佇清朝乾隆的時代，佇清代，泉州府管轄之下的五个縣攏有專題咧弄布袋戲趁食的家族。
布袋戲的派系
siu-kái古早人講，布袋戲代先出現佇泉州府五个縣，路尾才閣傳到漳州府這角勢，逐漸形成兩个無siâng的派別，總的來講，泉州的布袋戲予人叫做南派，漳州的布袋戲號做北派，南派的表演是模仿泉州在地的傀儡戲，用指頭仔弄，這著是傀儡掌中班，另外若是模仿梨園戲表演的，叫做梨園掌，北派的表演方式主要是模仿京劇，所以人叫做京班體。