Tâi-oân Thô-hn̂g Kok-chè Ki-tiûⁿ
(Tùi Thô-hn̂g Kok-chè Ki-tiûⁿ choán--lâi)
Tâi-oân Thô-hn̂g Kok-chè Ki-tiûⁿ (Hàn: 台灣桃園國際機場; Eng: Taiwan Taoyuan International Airport), kán-chheng Thô-hn̂g Kok-chè Ki-tiûⁿ he̍k-chiá Thô-hn̂g Ki-tiûⁿ, sī Tâi-pak ê liân-gōa kok-chè ki-tiûⁿ, mā sī choân Tâi-oân kui-bô͘ siōng-tōa ê bîn-hâng ki-tiûⁿ, ūi-tī Tâi-oân sai-pak-pō͘ ê Thô-hn̂g-chhī Tōa-hn̂g-khu; sī Tâi-oân siú-iàu ê kok-chè kheh-ūn chhut-ji̍p-tē, iā sī Tâi-oân pún-tó siōng-pak-pêng ê ki-tiûⁿ. 1979 nî 2 goe̍h 26 hō khé-iōng sî hō-chò Tiong-chèng Kok-chè Ki-tiûⁿ (中正國際機場), lo̍h-bóe tī 2006 nî 10 goe̍h chiah kái chò hiān-miâ.
