Chhiú-chí Ông
Chhiú-chí Ông (Eng-gí: The Lord of the Rings; ì-sù: "chhiú-chí ê chú-lâng"; Hôa-gí: 魔戒 Mô·-kài, 指环王) sī J. R. R. Tolkien chhòng-chok ê hoàn-sióng tōa-hô-siáu-soat, tī 1954/55 nî pun 3 pún chhut-pán. "Chhiú-chí Ông" chí tiàm-tī Mordor ê mô·-ông, hō-chò Sauron. Sauron chò 1-kha Chhiú-chí ū khòng-chè kî-thaⁿ 19-kha chhiú-chí ê hoat-tō·. Kò·-sū biô-siá chú-kak Frodo hoan-soaⁿ-kòe-niá ūi beh kā Chhiú-chí thàu-té húi-bia̍t.
| Chok-chiá | J. R. R. Tolkien |
|---|---|
| Kok-ka | United Kingdom |
| Gí-giân | English |
| Lūi-hêng | |
| Set in | Middle-earth |
| Chhut-pán-siā | Allen & Unwin |
Chhut-pán ji̍t-chí |
|
| Mûi-thé | Print (hardback & paperback) |
| OCLC | 1487587 |
| Chá-chêng chiap | The Hobbit |
| Liáu-āu sòa | The Adventures of Tom Bombadil |
Tolkien lī-iōng siá-chok ê kòe-têng hoat-hui i ê hèng-chhù, pau-koah le̍k-sú gí-giân-ha̍k, chong-kàu (te̍k-pia̍t sī Lô-má Thian-chú-kàu), sian-lí-kó·, Norse kap Celt bîn-cho̍k ê sîn-oē, téng-téng. I hoàn-sióng--chhut-lâi ê sè-kài put-chí-á ho̍k-cha̍p, phong-phài. I ūi chit-ê Middle-earth chhòng-chok kui-thò ê pōe-kéng chu-liāu, pau-koah tio̍h kò·-sū kha-siàu ê chó·-phó·, kúi-ā-chióng gí-giân, bûn-jī, tē-tô·, le̍k-sú. Chiah-ê chu-liāu pō·-hūn tī Chhiú-chí Ông ê hù-lio̍k ū-tè-chhōe. Le̍k-sú ê pō·-hūn pian ji̍p-khì lēng-gōa 1 tōa pún chheh, hō·-chò The Silmarillion (1977).
Chêng-kah-taⁿ Chhiú-chí Ông lóng-chóng bat hō· lâng kái chò 3-chhut tiān-iáⁿ. Siāng sin, siāng ū iá-sim ê pán-pún sī Peter Jackson ê 3-pō·-khek (2001–2003).
Guā-pōo lên-ket
siu-kái
| Wikivoyage has a travel guide for The Lord of the Rings tourism. |
- Tolkien website of Harper Collins (the British publisher)
- Tolkien website of Houghton Mifflin Archived 24 April 2021 at the Wayback Machine. (the American publisher)
- Lord of the Rings, The Archived 2 June 2021 at the Wayback Machine. at the Encyclopedia of Fantasy
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |