Thian piàn té chhau
Thian piàn té tshau (hàn-gú: 天變邸抄; ing-gú: Heaven change Di chao) sī 1626-nî (Bîng-tiau Bîng Hi-tsong Thian-khé 6-nî tāi-iok 5-gue̍h kî-kan) teh Tiong-kok Pak-kiann tsi̍t-hun iû bîn-kan pò-pâng pian-tsip huat-hîng ê té pò[1]. Luē-iông tsi̍p-tiong pò-tō kâng-nî 5-gue̍h 30-ji̍t (Thian-khé píng-în 5-gue̍h tshe 6) po̍k-huat ê Ông-kiong-tshióng tuā-po̍k-tsà.
| Type | Té pò ê tsuan-tê pò-tō |
|---|---|
| Format | Tuā-pò |
| Owner(s) | Tsìng-hú tshut-pán |
| Founded | 1626-nî 5-gue̍h kî-kan |
| Language | Hàn-gú |
| Headquarters | Tiong-kok Pak-kiann |
| Country | Tiong-kok Bîng-tiau |
Bîng-tshing ên-khì siu-kái
"Thian piàn té tshau" sì jī sī-iû siu-lo̍k-tsiá ka-kī thinn-ka lo̍h--khì ê, iōng-ì sī uī-tio̍h pò-tō Ông-kiong-tshióng tsai-piàn siông-tsîng ê "té tshau". "Thian piàn" (天變) it-sû guân-î tong-sî ê tsit-tiâu siōng-ū (上諭), sī in-uī Ông-kiong-tshióng tshióng-tsai po̍k-huat tú-tú-á hó tú-tio̍h Bîng-tiau tsìng-kio̍k bô ún-tīng ê sî-tsūn, sóo-í po̍k-tsà sū-kòo hông lí-kái tsò siōng-thian ê kíng-sī.
Biâu-su̍t siu-kái
İû-î "Thian piàn té tshau" uī kok sú-liāu tang-tiong tuì Ông-kiong-tshióng tsai-tsîng pò-tō siōng siông-tsīn ê khan-bu̍t, phian-hok kīn sann-tshing jī, kì-lio̍k tsiânn-tsē ê sè-tsiat kap kū-thé ê tsîng-hóng, koh ka-siōng i-ê siá-huat sing-íng, tshut-hiān luī-sū kin-á-ji̍t ê tō-gú hām tó kim-jī-thah ê kiat-kòo, iōng ín-giân suî-ê tián-khui, tē-tiám siōng iû kīn káu hn̄g, sî-kan siōng iû tong-ji̍t tong-sî tui-sòo tsiân-in, iân-sin hiō-kó, í-king kū-iú hiān-tāi sin-bûn siá-tsok ê pōo-hūn ti̍k-sik, in-tshú tsi̍t tshut-pán tō hong-hîng tsi̍t-sî, koh uī āu-sè ê gián-kiú-tsiá kap sú-ha̍k-ka thê-kiong tāi-liōng ê tē-it-tshiú tsu-liāu, jî-lâi siū-tio̍h tiōng-sī, thui-tsông, tong-sî mā sióng-ting hit-tang-tsūn ê sin-bûn tshái-hóng, siá-tsok tsuí-pîng ta̍t-kàu it-tīng ê ko-tōo, iàu-sòo mā khah tsê-tsuân.
Guân-kiānn piàn-tshian siu-kái
"Thian piàn té tshau" guân-lâi ê hit-hun pò-tsuá í-king bô tsûn-tsāi, m̄-ku Bîng-bua̍t Tshing-tshe ū bē-tsió bûn-jîn sóo-siá ê bûn-tsi̍p, pí-jū Kim Ji̍t-sing (金日升) ê "Siōng thian lû pit" (頌天臚筆), N̂g İo̍k (黃煜) ê "Phik-hiat lio̍k" (碧血錄), Kè Lio̍k-kî ê "Bîng-kuì pok-lio̍k " (明季北略) tíng-tíng ê bûn-tsiunn tsheh-tsi̍k, lóng siu-lio̍k teh i-ê lāi-bûn án-ne tsiah ē-tàng lâi pó-tsûn lo̍h--lâi.
Tsù-kái siu-kái
- ↑ 方汉奇,""报纸与历史研究(上/下) Archived 2010-01-20 at the Wayback Machine."",全刊杂志在线阅读,retrieved on May 15,2016. (Hàn-gí)
Tsham-ua̍t siu-kái
Guā-pōo liân-kiat siu-kái
| Wikisource ū koan-hē pún bûn-chiong ê goân-sú bûn-pún: |
- 天變邸抄--中國哲學書電子計畫 (Hàn-gí)
- 天启大爆炸探秘（下）《天变邸抄》解读 (Hàn-gí)