拍開主題選單
Thomas Jefferson

Thomas Jefferson (1743 nî 4 goe̍h 13 ji̍t – 1826 nî 7 goe̍h 4 ji̍t) sī Bí-kok tē-3-ê chóng-thóng, jīm-kî sī tē-4 chham tē-5-kài, 1801 nî 3 goe̍h 4 ji̍t chiūⁿ-jīm, 1809 nî 3 goe̍h 4 ji̍t sià-jīm.

Siàu-liân-sî kap kàu-io̍kSiu-kái

Jefferson tī 1743 nî 4 goe̍h 13 (kū-le̍k 4 goe̍h chhe 2) ùi Virginia ê Shadwell chhut-sì, tī chhù lāi 10-ê gín-á lāi pâi tē-3. In tau sī Eng-lân ê lâng, mā khó-lêng ū kóa Welsh he̍k-thóng. Lāu-pē Peter Jefferson sī ōe-ka kiam chhek-liōng-su, lāu-bú sī Jane Randolph, Isham Randolph ê cha-bó͘-kiáⁿ.

Jefferson kap Randolph-ka tī gín-á sî-chūn chò-hóe tī Tuckahoe tha̍k-chheh, kàu 1752 nî, i khai-sí chiūⁿ chāi-tē ê Scot Tiúⁿ-ló-hōe ha̍k-hāu. 9 hòe sî, i khai-sí ha̍k-si̍p Latin-gí, Hi-lia̍p-gí kap Hoat-gí.

Chèng-tī-chiáSiu-kái

Jefferson sī To̍k-li̍p Soan-giân ê chú-iàu chok-chiá. 1775 nî ê sî, i 33-hòe, sī soan-pò͘ to̍k-li̍p, khai-sí kek-bēng chiàn-cheng ê Tē-jī Tāi-lio̍k Hōe-gī lāi-bīn siāng siàu-liân ê gī-oân.