ToCyrillic
ToCyrillic sī 1 thò hō͘ Mozilla Firefox kap Thunderbird ēng ê khong-chhiong thò-kiāⁿ (extension), ū choán-e̍k (transliteration) kap khí-poâⁿ tùi-èng (keyboard mapping) ê kong-lêng, khai-hoat-chiá sī Alex Benenson. Ē-tit-thang ná phah ná choán chò kok chióng bûn-jī; mā ē-tit seng phah hó chiah chò 1 khùn choán-e̍k (ia̍h hoán-choán-e̍k). Pún-té ê siat-kè sī beh su-ji̍p Cyrillic jī-bó, āu--lâi pìⁿ-chiâⁿ thong-iōng ê su-ji̍p-hoat, ē-tit su-ji̍p chē chē khoán bûn-jī. Hiān-chú-sî chi-oān ê bûn-jī pau-hâm Bulgarian, Cherokee, Georgian, Macedonian, Lō͘-se-a-gí, Serbian, Ukrainian, POJ, tang-sai.
Tùi POJ ê chi-oān sī Henry H. Tân-Tēⁿ siat-kè--ê.
Pán-pún
siu-kái- 2006/12/12 hoat-hêng ToCyrillic 0.5.10, chi-oān Firefox 1.5 - 3.0a2 kap Thunderbird 1.5 - 2.0b1 í-siōng ê pán-pún.
Iu-tiám
siu-káiBē hō͘ ngē-thé ia̍h chok-gia̍p hē-thóng pa̍k-sí, nā ē-tit cháu Firefox tō ē-tit ēng ToCyrillic lâi su-ji̍p. Liān Windows 98 mā ē-tit thàu-koè Firefox kap ToCyrillic lâi su-ji̍p hû-ha̍p Thong-iōng-bé ê POJ. Sin ê hē-thóng, chhiūⁿ ubuntu 6.10, an ToCyrillic liáu-āu, tō sûi ē-tàng phah POJ.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |