Thó-lūn:Chheh

冊

拉丁文的字典，字典嘛是冊的一種

冊嘛講做書，是一張一張紙敆做規本，一爿的墘或是釘或是黏牢咧，通予人掀來讀，上外口閣加書皮保護來做成的，逐張紙的逐面，攏叫做一頁。

有的冊頁毋是用紙做的，閣較是古早猶無紙的時，嘛用羊皮紙抑是布做冊，閣比論中國古早的時，就是用竹仔切做一片一片，貫做伙做冊。

冊頁的頂懸有文字，有時陣閣有圖，佇印版的技術發展進前，冊著用手一字一字寫抑抄去咧，若現此時的冊攏印字的較濟，閣若無實際共印出來，簡單做電子檔案的冊，就是電子冊。

愛讀冊的人定予人講做是兩跤冊櫥，抑是冊龜仔。

冊有可能予學生讀了寫讀冊報告，嘛凡勢會有專業的作者寫書評來紹介，有時陣一陣人嘛會因為興趣，組一个讀冊會。