Pang-chān:烏水溝

臺灣海峽

烏水溝，現代叫臺灣海峽，是佇咧臺灣佮中國大陸中間个一條海溝，地理學指明臺灣海峽个海域範圍是按呢个：上北爿參東海个分界線是以臺灣島个富貴角到福建平潭島个連線為標準，上南爿是以福建東山島和臺灣鵝鑾鼻之間个連線做分界線， 倚南爿就是南海佮巴士海峽。

臺灣海峽主要嘛是大陸架（大陸棚）个地理形態，海个深度無超過兩百公尺，海域內个島嶼，除了靠近大陸个沿海島嶼以外，猶閣有澎湖群島佮屏東个小硫球。

往過，臺灣海峽予人叫做烏水溝，明、清兩个朝代，誠濟閩南人佮廣東兮客人仔先後蹽過這條烏水溝來到臺灣開荒、做贌，真濟過島兮人予風湧佮海水欱去，永遠無命閣重生，對古早人來講，臺灣海峽是遐爾仔風險，會當講是「十去九無命」，到今佇閩南佮臺灣民間攏有咧講一句俗語話，號做「蹽水過臺灣，下跤（雙跤）結兩丸」。或者是對平埔族漢化來个。