Pang-chān:統一7-ELEVEn獅

統一獅

統一7-ELEVEn獅是中華職棒兮創始球隊之一，嘛是目前唯一一亇對職棒元年到今攏無賣掉、毋捌解散過兮元老球隊。佇職棒創立兮時陣，伊兮全名號做統一獅，佇2008年統一企業為着欲共𪜶 (in)旗下兮7-ELEVEn超商囥佇衫頂懸，隨共隊名改做這馬兮統一7-ELEVEn獅。統一兮主場佇臺南，代表色是柑仔色，過去青色嘛是統一獅兮代表色之一，2017年開始着較罕得用青色矣。統一是中華職棒頭一亇贏球兮球隊，嘛是目前贏上濟、勝率上懸、參加季後賽上濟改、全壘打上濟、得着上濟臺灣大賽冠軍兮球隊。