Pang-chān:中信兄弟

前中信兄弟球員彭政閔（這馬是二軍總教練）

中信兄弟是中華職棒兮球隊之一，前身兄弟象是中職兮創始球隊之一。包含前身兄弟象攏總有19个季冠軍，是全聯盟上濟；總冠軍有9个。2013年球季結束了後，兄弟大飯店共球隊賣予中信金控，中信保留原本兮代表色黃色佮代表動物象。球隊轉賣了後對2014年到2020年七年當中六年攏拍入去總冠軍賽，但是逐年攏輸球，夆笑是「七年六亞咒讖」。2021年中信兄弟佇總冠軍賽以4 : 0拍贏統一獅，總算是提着冠軍，結束咒讖矣。