Thó-lūn:Thiàu-bú

舞蹈

舞蹈

舞蹈，普通講跳舞，是指用來表達思想佮感情，社會來往的一款活動，咱嘛有可能單純為著精神的、宗教的、或者是藝術的目的來跳舞。

欲定義啥物是舞蹈，牽涉著無仝族群、所在抑國家等等，佇社會、文化、美學、藝術、道德制限頂懸的看法佮價值觀，舞蹈的範圍蓋闊，包括功能性的(比論臺灣原住民祭禮裡的舞蹈)佮完全屬佇幼路藝術表演的舞蹈(比論芭蕾)。

佇運動、體操、花錦趨冰佮花錦泅水嘛加加減減有結合舞蹈的動作佮技術，舞藝的形頭佮舞蹈也定定予人做伙比較，甚至互相影響。

有的舞蹈是在場的人相佮參與的，有的是為著社交抑表演的起致為觀眾進行的，舞蹈本身減采是典禮抑禮的一部份，嘛有可能是鬥賽的項目，或是簡單欲引起人的情慾，舞蹈有可能無太特殊的意義，毋過嘛凡勢親像真濟亞洲舞蹈仝款，基本是一種表示意思，有代表性的工具，藝術家 oan-nā透過跳舞來共想法、情感表現出來，抑者是表達伊的故事。

編舞是創造舞蹈的藝術，編舞的人就是編舞者(編舞家)。