Wikipedia

2017 nî Qatar gōa-kau gûi-ki

2017 nî ê 6 goe̍h 5 ji̍t khai-sí, pau-koat Saudi A-la-pek, Bahrain, A-la-pek Liân-ha̍p Thâu-lâng-kok (UAE), Ai-ki̍p, Yemen, Libya, koh ū Maldives[1] kap Mauritius[2] chāi-lāi, ūi tio̍h gōa-kau cheng-lūn, tiong-chí kap Qatar ê gōa-kau liân-kiat. Chia ê kok-ka chú-iàu ê lí-iû sī chú-tiuⁿ Qatar chi-chhî khióng-pò͘-chú-gī oa̍h-tāng.[1]

Kòe-têng

siu-kái

Tāi-seng sī Bahrain, Saudi A-la-pek kap UAE saⁿ kok chò-hóe koat-tēng in-ê gōa-kau chèng-chhek, liáu-āu kî-tha kok-ka chiah tòe leh si̍t-si kâng-khoán hêng-tōng. Kî-tiong Ai-ki̍p kap UAE lóng iau-kiû Qatar ê gōa-kau jîn-oân tī 48 tiám-cheng lāi lî-khui in-ê kok-ka.[3]

Chiam-tùi chá-chêng 4-kok ê chú-tiuⁿ kap chèng-chhek, Qatar ê koan-hong jīn-ûi sī khiàm-khoat chèng-tong-sèng--ê, jî-chhiá sī tùi in chú-khoân ê chhim-hoān.[4]

Kau-thong éng-hióng

siu-kái

Qatar kap hia tí-chè kok-ka chi kan ê khong-tiong, lio̍k-tē kap hái-siōng ê kau-thong mā siū chó͘-gāi. Kî-tiong Ai-ki̍p chhiat tn̄g tùi Qatar chhut-hoat ê hui-pang ji̍p kok, nn̄g kok chi kan ê hui-pang tùi 6 hō ê GMT sî-kan 4:00 chiō ài tiong-chí. Gulf Air, Etihad Airways, Emirates, Fly Dubai, Air Arabia ma lóng chhú-siau he̍k-chiá sī kè-ōe chhú-siāu chhut-jip Qatar siú-to͘ Doha ê hui-pang. Tông-sî Qatar só͘-sio̍k ê Qatar Airways mā chiām-thêng hiòng Saudi ê hui-hêng.[3]

Kî-tha kok-ka ê hoán-èng

siu-kái

Iran ê gōa-kau-pō͘ hoat-giân-jîn Bahram Ghasemi keng-kòe pō͘-mn̂g bāng-chām ê bûn-jī, kóng hi-bāng chia chu kok thang tùi-ōe. Thó͘-ní-kî ê siú-siòng Numan Kurtulmus piáu-sī in-ê chóng-thóng Recep Tayyip Erdoğan tng teh chhōe chia kok-ka gōa-kau būn-tê ê kái-koat hong-sek. Í-sek-lia̍t ê kok-hông pō͘-tiúⁿ Avigdor Lieberman o-ló hoán Qatar ê hêng-tōng.[4]

Chham-chiàu

siu-kái
  1. ↑ 1.0 1.1 "Qatar row: Saudi and Egypt among countries to cut Doha links". BBC News. 2017-06-05. 2017-06-05 khòaⁿ--ê. 
  2. ↑ "「テロ支援」カタールと断交＝サウジなど中東諸国". JIJI.COM. 2017-06-05. goân-loē-iông tī 2017-06-05 hőng khó͘-pih. 2017-06-06 khòaⁿ--ê. 
  3. ↑ 3.0 3.1 "Qatari planes banned from Egyptian and Saudi air space". BBC News. 2017-06-05. 2017-06-06 khòaⁿ--ê. 
  4. ↑ 4.0 4.1 "Qatar diplomatic crisis: All the latest updates". Aljazeera. 2017-06-05. 2017-06-06 khòaⁿ--ê. 
Lâi-goân: "https://zh-min-nan.wikipedia.org/w/index.php?title=2017_nî_Qatar_gōa-kau_gûi-ki&oldid=3211437"