Ang-kong
Ang-kong (尪公 iā ē sái siá 翁公), iā kiò choè Siang-tiong Chun-ông (雙忠尊王), sī Tiong-kok lâm-hong kap Tâi-oân lâng sìn ê nn̄g ê sîn-bêng.
Ang-kong ê miâ-jī sī Tiuⁿ Sûn (張巡) kap Ko Oán (許遠). Chiah nn̄g ê tī Tông-tiâu ê sî-hāu thè tiâu-têng siú-oē Chu-iông, hō͘ An Lo̍k-san thâi--sí. Àn Sòng-tiâu ê sî-hāu khai-sí, in hō͘ hông-tè hong choè Siang-tiong Chun-ông. In iā sī Choân-chiu An-khoe-koān ê sîng-hông, Tâi-oân iā ū sìn in ê. Tâi-oân Chheng-tiâu sî-tāi, Choân-chiu ê î-bîn kap Chiang-chiu ê sio-phah, nn̄g-pîng to chiong ka-kī sìn ê sîn-bêng taⁿ chhut-lâi. Chin chè ê sî-hāu liân sîn-siōng to hō͘ to chām pháiⁿ. In-chú ū „Ang-kong bô thâu-khak, Sèng-kong bô chhiú-kut“ (尪公無頭殼, 聖公無手骨) ê sio̍k-gí.