Bêng Si̍t-lio̍k

Bêng Si̍t-lio̍k (明實錄) sī Tiong-kok Bêng-tiâu le̍k-tāi koaⁿ-siu ê pian-liân-thé le̍k-sú-chheh, sī gián-kiù Bêng-tiâu le̍k-sú ê ki-pún tián-che̍k. Bêng Si̍t-lio̍k kì-chài tio̍h ùi Bêng Thài-chó͘ Chu Goân-chiong kàu Bêng Hi-chong Chu Iû-kàu lóng-chóng 13 tāi ê tāi-chì. Kî-tiong, Kiàn-bûn kap Kéng-thài 2 tāi ê lōe-iông hun-pia̍t siá tī-leh Thài-chó͘ Si̍t-lio̍k kap Eng-chong Si̍t-lio̍k lāi-té. Bêng Si̍t-lio̍k lóng-chóng ū 13 phō, 2909 koàn, 1600-goā-bān hàn-jī.