Bú-su̍t (武術), he̍k-chiá bú-gē (武藝), bú-tō (武道), kek-tò͘-ki (格鬪技), sī lī-iōng ki-thé, léng-peng-khì ia̍h-sī bú-khì lâi hō͘-siong kēng-ki pí-piàⁿ ê ki-su̍t. Chêng-chiá ê lōe-iông sī toàn-liān sin-thé ta̍k-ê pō͘-ūi lâi kong-kek tùi-chhiú; hō͘-chiá sī ūn-iōng to, chhiuⁿ, kùn, kiàm, sut-á, pio, thûi, mâu, keng téng-téng léng-peng-khì ûi-chú. Bú-su̍t sui-jiân sī hō͘-siong kek-tò͘ ê ki-su̍t, m̄-koh siu-si̍p bú-su̍t tû-liáu the̍h-lâi kek-tò͘, ha̍k-si̍p ê goân-in iā ū khó-lêng sī beh hông-ōe kap kēng-sài.