Bûn-chhiong Tè-kun
Bûn-chhiong Tè-kun (文昌帝君), chiū sī Bûn-chhiong Bú-lia̍t Chú-tông Tè-kun (文昌武烈梓潼帝君), kán-chheng Chú-tông Tè-kun (梓潼帝君), Bûn-chhiong Kun (文昌君) ia̍h Bûn-chhiong Ông (文昌王), sī pó-hō͘ bûn-ūn kap khó-chhì ê sîn-bêng. Tiong-kok ū "pak Khóng-chú, lâm Bûn-chhiong" ê kóng-hoat, khó-kiàn lâm-hong Bûn-chhiong Tè-kun ê sìn-gióng chiâⁿ ōng. Bûn-chhiong Tè-kun sī Sio̍k-ông Tiuⁿ Io̍k, Chú-tông-sîn A-chú (亞子) kap Bûn-chhiong-seng-kun téng saⁿ ê sîn-lêng ha̍p-pèng jî sêng ê sîn-bêng. Bûn-chhiong Tè-kun hām Tāi-khoe Tè-kun, Chu-i Tè-kun, Hu-iū Tè-kun, kap Koan-sèng Tè-kun ha̍p-chheng "Gō͘ Bûn-chhiong" (五文昌).
![](http://upload.wikimedia.org/wikipedia/commons/thumb/2/2c/%E5%8F%B0%E7%81%A3%E6%A1%83%E5%9C%92%E5%B8%82%E6%96%87%E6%98%8C%E5%B8%9D%E5%90%9B%E8%81%96%E5%83%8F.jpg/250px-%E5%8F%B0%E7%81%A3%E6%A1%83%E5%9C%92%E5%B8%82%E6%96%87%E6%98%8C%E5%B8%9D%E5%90%9B%E8%81%96%E5%83%8F.jpg)