Chìn-pō͘-chú-gī Sî-tāi

Chìn-pō͘-chú-gī Sî-tāi (Progressive Era), he̍k-chiá Chìn-pō͘ Sî-tāi, sī Bí-kok chi̍t tōaⁿ siā-hōe kap chèng-tī kái-kek sî-kî, sî-kan tùi 1890 nî-tāi kàu 1920 nî-tāi. Chìn-pō͘-chú-gī ūn-tōng chú-iàu ê chú-tiuⁿ sī siau-tû chèng-hú ê hú-pāi, si̍t-chè ê hêng-tông pau-koat kóaⁿ hú-pāi ê koan-oân lo̍h-tâi, kiàn-li̍p ti̍t-chiap ê bîn-chú. Lēng-gōa, in mā khai-sí tùi to̍k-chiàm ê sū-gia̍p chò chhú-lí, kiàn-li̍p khòng-trust (antitrust) ê hoat-lu̍t, thui-kiû kong-pêng kēng-cheng ê siong-gia̍p khoân-kéng.

Chin chōe chìn-pō͘-chú-gī-chiá chi-chhî Kìm-chiú-lēng (Prohibition) ê chè-tō͘, hi-bāng ē-tàng siau-bia̍t tùi tē-hng chúi-koán hoat-tián ê chèng-tī khôan-le̍k. Hit tong-sî, lú-sèng ê chham-chèng-khoân mā siū tio̍h chìn chi̍t pō͘ ê chi-chhî. Kâng sî-tāi, pau-koat kho-ha̍k, i-ha̍k, kang-têng téng hong-bīn, mā siū hiàn-tāi-hòa ê thui-sak, kî-tiong, koh hoat-tián chhut Taylor-chú-gī chit khoán kho-ha̍k koán-lí lí-sióng.

Kong-kiōng kàu-io̍k, kim-hiông, kau-thong, kàu-hōe téng-téng sū-bū, mā ū chìn-pō͘-chú-gī ūn-tōng-chiá ê chham-ú. Siā-hōe-kho-ha̍k ê gián-kiù mā siū "kho-ha̍k-hòa" ê chú-tiuⁿ héng-hióng.

Tāi-piáu chìn-pō͘-chú-gī ê chèng-tī thâu-lâng ū Theodore Roosevelt, Charles Evans Hughes kap William Jennings Bryan téng-téng.