Chó-phài
(Tùi Chó-e̍k choán--lâi)
Chó-phài ia̍h-sī chó-e̍k, sī chèng-tī-siōng chú-tiuⁿ kek-sin, jî-chhiáⁿ tùi châi-sán ê hun-phòe kha chù-tiōng pêng-téng ê chi̍t-khoán li̍p-tiûⁿ. "Chó-e̍k" siōng-chá sī tī Hoat-kok Kek-bēng ê sî-kî iōng-lâi kóng gī-hōe lāi-bīn chē tī gī-tiúⁿ tò-pêng, hóan-tùi thôan-thóng téng-tē, chú-tiuⁿ kek-chìn kái-kek ê tē-saⁿ téng-tē.
Tī hiān-sî chèng-tī ê sè-bīn, chó-phài it-poaⁿ sī kóng kok-chióng hêng-sek ê kiōng-sán-chú-gī ia̍h siā-hōe-chú-gī, chhin-chhiūⁿ siā-hōe-bîn-chú-chú-gī kap siā-hōe-chū-iû-chú-gī téng-téng. Tī chèng-tī kng-phó lāi-bīn koh-ū tiong chó-phài kap ke̍k chó-phài.