拍開主題選單

Cheng-î Tāi-chiong-kun (征夷大将軍 / せいいたいしょうぐん / Seii Taishōgun) tī Ji̍t-pún le̍k-sú siōng, goân-pún sī Tāi-hô ông-khoân uī-tio̍h beh tùi-khòng Emisi só͘ siat-tì ê lîm-sî ko-kip kun-koaⁿ chit-uī, tī chiàn-cheng kiat-sok liáu-āu kái-tû. Î () kóng-ê sī tòa tī Pún-chiu kah Pak-hái-tō ê Emisi Ainu-cho̍k. Tāi-chiong-kun ê gê-mn̂g hō-chòe bō͘-hú, só͘-í mā sio̍k-chheng Bō͘-hú Chiong-kun (幕府將軍). It-poaⁿ kán-chheng Chiong-kun (将軍).

Chū 12 sè-kí bóe-kî khai-sí, chiong-kun piàn-sêng bú-sū kah kun-jîn ê léng-tō-jîn. 1192 nî, Minamoto no Yoritomo chhut-jīm Cheng-î Tāi-chiong-kun, kiàn-li̍p Kamakura bō͘-hú, léng-tō sì-kè ê chu-hâu.