Chiu Su-chê

Chiu Su-chê
周思齊
Chiu Su-chê; 周思齊
Tiong-sìn Hiaⁿ-tī – No. 16
	chō͘-lí kàu-liān, gōa-iá-chhiú, chí-tēng táⁿ-kek
	Chhut-sì: 1981 nî 10 goe̍h 26 ji̍t (43 hòe); Tiong-hôa Bîn-kok Hoa-liân-koān Kong-ho̍k-hiong
Táⁿ-kek: tò	Tâu-kiû: tò
Chho͘-chhù chhut-sài
	2005 nî 8 goe̍h 13, tī Sêng-thài COBRAS
Chòe-āu chhut-sài
	2024 nî 9 goe̍h 21, tī Tiong-sìn Hiaⁿ-tī
Seng-gâi sò͘-kì thóng-kè ; (chì 2024 nî ûi-chí)
Táⁿ-kek-lu̍t	0.307
An-táⁿ	1,805
Choân-lûi-táⁿ	144
Táⁿ-tiám	948
Thau-luí	100
Tūi-ngó͘
	Sêng-thài COBRAS (2005 nî－2007 nî); Dmedia Pō-liông (2008 nî); Hiaⁿ-tī Chhiōⁿ (2009 nî 1 goe̍h－2014 nî 1 goe̍h 4 hō); Tiong-sìn Hiaⁿ-tī (2014 nî 1 goe̍h 5 hō－2024 nî); Tiong-sìn Hiaⁿ-tī chō͘-lí kàu-liān (2021 nî－2023 nî);
Seng-gâi cheng-chhái piáu-hiān kah ti̍t-chióng
	Tiong-hôa Chit-pāng nî-tō͘ chóng-koan-kun: 2010, 2021, 2022, 2024; Tiong-hôa Chit-pāng Chòe-ka 10-jîn Chióng Gōa-iá-chhiú: 2008, 2009, 2012; chí-tēng táⁿ-kek: 2020; ; Tiong-hôa Chit-pāng nî-tō͘ MVP: 2012; Tiong-hôa Chit-pāng tan-goe̍h MVP: 2012/04, 2012/06, 2012/08, 2012/09, 2013/06, 2020/09; Tiong-hôa Chit-pāng Gîn-pāng-chióng: 2012; Tiong-hôa Chit-pāng Bêng-chheⁿ-sài: 2008～2019、2023、2024;

Chiu Su-chê (1981 nî 10 goe̍h 26 chhut-sì ), sī Tâi-oân A-bí-cho̍k chi̍t-ê í-keng thè-hiu ê chit-gia̍p iá-kiû soán-chhiú, phian-miâ "Chiu-táng", mā ū "Tiong-chit Lâu Tek-hôa" kah in-ūi 2013 nî Sè-kài Iá-kiû Keng-tián-sài ê hó piáu-hiān tit-tio̍h ê "À-chiu soán-kiû-ông" chheng-hō. Chiu Su-chê tī kiû-oân sî-kî tī Sêng-thài COBRAS, Dmedia Pō-liông, Hiaⁿ-tī Chhiōⁿ kah Tiong-sìn Hiaⁿ-tī téng kiû-thoân hāu-le̍k, siú-pī ūi-tì sī chó-gōa-iá-chhiú, bat kiam-jīm chō͘-lí kàu-liān.

Keng-le̍k

Thian-chú-kàu Hú-jîn Tāi-ha̍k thé-io̍k ha̍k-hē pit-gia̍p, Kok-li̍p Tâi-oân Su-hoān Tāi-ha̍k Tâi-oân-sú gián-kiù-só͘ gián-kiù-seng.

Hoa-liân Koān-li̍p Kong-ho̍k Kok-bîn Sió-ha̍k Kha-kiû-tūi
Hoa-liân Koān-li̍p Kong-ho̍k Kok-bîn Sió-ha̍k Siàu-pāng-tūi
Hoa-liân Koān-li̍p Kong-ho̍k Kok-bîn Tiong-ha̍k Cheng-siàu-pāng-tūi
Ko-hiông-koān Ko-oán Kang-siong Chheng-pāng-tūi
Thian-chú-kàu Hú-jîn Tāi-ha̍k iá-kiû-tūi (Tiong-heng Pó-choân)
Tiong-hôa Chit-pāng Sêng-thài COBRAS tāi-hùn kiû-oân, chèng-sek kiû-oân (2005－2007 nî)
Tiong-hôa Chit-pāng Dmedia Pō-liông (2008 nî)
Tiong-hôa Chit-pāng Hiaⁿ-tī Chhiōⁿ (2009 nî 1 goe̍h－2014 nî 1 goe̍h 4 hō)
Tiong-hôa Chit-pāng Tiong-sìn Hiaⁿ-tī (2014 nî 1 goe̍h 5 hō－2024 nî)

Chit-gia̍p Seng-gâi

Sêng-thài Cobras Sî-kî

Chiu Su-chê tī 2005 nî 8 goe̍h sūn-lī ka-bêng Sêng-thài Cobras. Tú ka-bêng chit-pāng ê sî, bô-hoat-tō͘ tī í táⁿ-kek hóe-le̍k tù-chheng ê Sêng-thài Cobras chhióⁿ-tio̍h gōa-iá-chhiú ê sian-hoat ūi-tì, it-ti̍t kàu chìn-ji̍p chit-pāng ê tē-3-tang (2007 nî) chiah ū kò͘-tēng ê sian-hoat ki-hōe, kah Chiā Ka-hiân, Iôⁿ Jōe-tì kah Khu Chhiong-êng sì-ê sī tong-nî Sêng-thài-tūi ê chú-le̍k gōa-iá-chhiú.

Dmedia Pō-liông Sî-kî

2008 nî Sêng-thài Cobras bē hō͘ Dmedia, chiâⁿ-chò Dmedia Pō-liông-tūi. Chit nî Chiu Su-chê sui-jiân kan-na kòng-chhut sù-hoat hőng-bú-láng, pí kū-nî ê 7-hoat koh-khah chió, tān-sī 0.330 táⁿ-kek-lu̍t, 12-pái thau-lúi sêng-kong, koh tit-tio̍h Chòe-ka 10-jîn Chióng, í-keng sǹg sī bē-bái ê sêng-chek ah. Tān-sī in-ūi Dmedia Pō-liông-tūi hoat-seng "O͘-bí Sū-kiāⁿ", kiû-tūi hőng tû-miâ, Chiu Su-chê bīn-lîm sit-gia̍p ê gûi-ki. Lo̍h-bóe i tī te̍k-pia̍t soán-siù-hōe lāi-té hō͘ Hiaⁿ-tī Chhiōⁿ tī tē-3-lûn kéng-tio̍h.

Hiaⁿ-tī Chhiōⁿ Sî-kî (hâm Tiong-sìn Hiaⁿ-tī)

tī 2009 nî kàu 2011 nî, kah tūi-iú Phêⁿ Chèng-bín, Tân Koan-jīm chò-hóe cho͘-sêng "n̂g-kim sin 3-kiàm-kheh", chiâⁿ-chò koan-kiān tì-sèng ê cho͘-ha̍p.

2012 nî í 0.365 / 0.462 / 0.587 iu-ī ê táⁿ-kek 3-ûi tit-tio̍h nî-tō͘ MVP. 2013 nî 11 goe̍h 5 hō, koat-tēng chiâⁿ-chò chū-iû kiû-oân ^{[chù 1]}, chiâⁿ-chò Tiong-chit sú-siōng tē-4-ūi hêng-sú chū-iû kiû-oân (FA) khoân-lī ê kiû-oân ^{[chù 2]}, lo̍h-bóe lâu tī Tiong-sìn Hiaⁿ-tī ^{[chù 3]}.

2024 nî 3 goe̍h 15, Chiu Su-chê soan-pò͘ beh tī nî-bóe ín-thè, kiat-sok 20-tang ê kiû-oân seng-gâi. 9 goe̍h 21 kàu 22 ê Chiu Su-chê ín-thè chú-tê-ji̍t hō͘ Tâi-pak Tōa-kī-tàn liân-sòa 2-kang móa-tiôⁿ, kî-tiong 9 goe̍h 21 sài-āu koh ū Gō͘-goe̍h-thiⁿ lâi piáu-ián^[1]。Chiu Su-chê tī 9 goe̍h 22kah Bī-choân Liông ê pí-sài kiat-sok liáu-āu ín-thè, mā tāi-piáu bat tī Sêng-thài COBRAS hāu-le̍k kòe ê kiû-oân choân-pō͘ lóng ín-thè--ah.

Oa̍h-tāng

Chiu Su-chê kīn-nî hôe-kūi kò͘-hiong ê ki-chân iá-kiû, sêng-li̍p "Kiû-gê Ki-kim", Chiu Su-chê Pôe-io̍k Ki-chân Iá-kiû Jîn-châi Chióng-chō͘-ha̍k-kim,^[2] hi-bāng ē-sái pôe-io̍k khah-chē iá-kiû jîn-châi.

Chiu Su-chê mā tī 2018 nî tòng-soán pēng-chhiáⁿ tam-jīm Tiong-hôa Chit-pāng Kiû-oân Kang-hōe lí-sū-tióⁿ, i ê chêng chi̍t jīm lí-sū-tióⁿ sī Ô͘ Kim-liông, āu chi̍t jīm sī Tân Kia̍t-hiàn.

Sêng-pāng Kok-chhiú Keng-le̍k

Seng-gâi Sêng-chek

(Chho͘-o͘-jī sī hit1-nî siōng-koân ia̍h siōng-hó ê sêng-chek)

Nî-tō͘	Kiû-tūi	Chhut-sài	Táⁿ-sò͘	An-táⁿ	Hőng-bú-láng	Táⁿ-tiám	Thau-luí	Sa̋n-sín	Sì-sí	Lúi-táⁿ-sò͘	Siang-sat	Táⁿ-kek-lu̍t	Chiōⁿ-lúi-lu̍t	Tn̂g-táⁿ-lu̍t	OPS
2005	Sêng-thài COBRAS	12	19	5	0	0	0	7	0	6	0	0.263	0.263	0.316	0.579
2006		55	146	34	1	15	7	17	9	44	2	0.233	0.276	0.301	0.577
2007		92	221	68	7	34	5	41	24	105	8	0.308	0.372	0.475	0.847
2008	Dmedia Pō-liông	85	336	111	4	34	12	56	37	157	5	0.330	0.394	0.467	0.861
2009	Hiaⁿ-tī Chhiōⁿ	96	354	110	5	49	3	55	42	152	6	0.311	0.381	0.429	0.810
2010		120	456	136	4	56	5	65	40	185	6	0.298	0.353	0.406	0.759
2011		120	447	135	7	88	5	77	53	205	5	0.302	0.368	0.459	0.827
2012		118	433	158	21	91	4	56	80	254	10	0.365	0.462	0.587	1.049
2013		105	399	126	8	54	6	57	40	180	12	0.316	0.373	0.451	0.824
2014	Tiong-sìn Hiaⁿ-tī	102	332	92	4	42	6	56	41	121	4	0.277	0.354	0.364	0.718
2015		109	413	144	15	79	11	68	50	218	7	0.349	0.414	0.528	0.942
2016		114	409	140	17	103	6	56	70	227	11	0.342	0.428	0.555	0.983
2017		107	387	117	8	52	9	38	55	158	12	0.302	0.386	0.408	0.794
2018		110	394	120	11	64	2	60	35	178	6	0.305	0.359	0.452	0.811
2019		83	190	49	6	33	3	28	17	78	5	0.258	0.313	0.411	0.724
2020		106	355	115	22	81	6	66	38	209	4	0.324	0.386	0.589	0.975
2021		69	193	44	2	22	2	32	16	60	4	0.228	0.284	0.311	0.595
2022		53	149	35	1	31	3	19	10	52	4	0.235	0.278	0.349	0.627
2023		82	228	62	1	19	3	23	25	74	6	0.272	0.341	0.325	0.666
2024		24	23	4	0	1	2	4	7	5	0	0.174	0.367	0.217	0.584
合計	20冬	1,762	5,884	1,805	144	948	100	881	689	2,668	117	0.307	0.375	0.453	0.828

Te̍k-sû Sū-chek

2006 nî 6 goe̍h 21, tī Sin-tek Iá-kiû-tiôⁿ tùi-chiàn Hiaⁿ-tī Chhiōⁿ, bīn-tùi tâu-chhiú Ông Kèng-le̍k kòng-chhut chit-pāng seng-gâi thâu-chi̍t-ki tāi-táⁿ choân-lúi-táⁿ.
2007 nî 6 goe̍h 20, tī Sin-chng Iá-kiû-tiôⁿ tùi-chiàn Tiong-sìn Keng, kòng-chhut iū-gōa-iá hong-hiòng ê tāi-táⁿ móa-lúi choân-lúi-táⁿ, mā-sī chit-pāng seng-gâi thâu-chi̍t-ki móa-lúi choân-lúi-táⁿ.
2008 nî O͘-bí Sū-kiāⁿ hoat-seng liáu-āu, kah Koeh Bêng-jîn chiâⁿ-chò ûi-jī chham-ka Tiong-hôa Chit-pāng 19 nî pan-chióng tián-lé ê Dmedia Pō-liông kiû-oân. In-ūi tī O͘-bí Sū-kiāⁿ bat hō͘ kiám-chhat-koaⁿ sìn-būn ê koan-hē, sui-jiân Chiu Su-chê sī chèng-jîn ê sin-hūn, tān-sī i ê chheng-pe̍k hit-tang-chūn iu-goân hőng hoâi-gî,^[3] só͘-í hoat-piáu tit-chióng kám-giân ê sî bat âu-tīⁿ^[4].
2012 nî 7 goe̍h 19, tī Tâi-lâm Chhī-li̍p Iá-kiû-tiôⁿ tùi-chiàn Thóng-it 7-ELEVEn Sai, 6-kio̍k-siōng bīn-tùi Ko Kiàn-sam kòng chhut hőng-bú-láng, seng-gâi lúi-táⁿ-sò͘ ta̍t-sêng 1,000, sī liân-bêng sú-siōng tē-30-lâng.
2012 nî 9 goe̍h 22, tī Thian-bú Iá-kiû-tiôⁿ tùi-chiàn Lamigo Thô-oân, 1-kio̍k hā-pòaⁿ bīn-tùi Chan Tiāu-hô kòng chhut 2-hun hőng-bú-láng, sī hit1 kùi tē-20-ki, chiâⁿ-chò tūi-sú tē-6-ê ta̍t-sêng tan-kùi 20-hong í-siōng ê kiû-oân, pún-thó͘ kiû-oân tē-3-lâng.
2013 nî 4 goe̍h 13, tī Thian-bú Iá-kiû-tiôⁿ tùi-chiàn Lamigo Thô-oân, 9-kio̍k hā-pòaⁿ nn̄g-pêng 0 pí 0 pêⁿ-chhiú, 1-chhut-kio̍k it jī lúi ū cháu-chiá, bīn-tùi Chiā Tiông-iông phah-chhut chó-gōa-iá hong-hiòng ê an-táⁿ, sī seng-gâi thâu-chi̍t-ki chài-kiàn an-táⁿ, pang-chō͘ kiû-tūi í 1 pí 0 tit-tio̍h sèng-lī, mā kiat-sok kiû-tūi ê 5-liân-pāi.^[5]
2013 nî 7 goe̍h 11, tī Thô-hn̂g Kok-chè Iá-kiû-tiôⁿ tùi-chiàn Lamigo Thô-oân, 8-kio̍k-siōng thau-lúi sêng-kong, ta̍t-sêng Tiong-hôa Chit-pāng sú-siōng tē-10000-pái ê thau-lúi sêng-kong.^[6]
2015 nî 4 goe̍h 26, tī Thô-hn̂g Kok-chè Iá-kiû-tiôⁿ tùi-chiàn Lamigo Thô-oân 7-kio̍k-siōng, phah chhut chó-gōa-iá hong-hiòng ê an-táⁿ, ta̍t-sêng chit-pāng seng-gâi 1000-ki an-táⁿ, sī Tiong-hôa Chit-pāng sú-siōng tē-15-ūi.
2015 nî 6 goe̍h 4 hō, tī Sin-tek Iá-kiû-tiôⁿ tùi-chiàn Lamigo Thô-oân kòng chhut seng-gâi thâu-chi̍t-ki chài-kiàn hőng-bú-láng, sī chi̍t-ki boán-koàn-phàu.
Nā Chiu Su-chê piáu-hiān bô hó, PTT ê hiong-bîn tio̍h ē kā kiò-chò "Sòe Un-chai (甩恩齋)", āu--lâi Chiu Su-chê tio̍h iōng chit-ê phian-miâ khai-hoat chi̍t-kóa í "Sòe (甩)" ūi chú ê siong-phín.^[7]
2017 nî 6 goe̍h 29, tī Chiu-chè Iá-kiû-tiôⁿ tùi-chiàn Lamigo Thô-oân Lîm Hôa-khèng kòng chhut seng-gâi tē-100-ki hőng-bú-láng.
2018 nî 8 goe̍h 2 hō, tī Thô-hn̂g Kok-chè Iá-kiû-tiôⁿ tùi-chiàn Lamigo Thô-oân, 3-kio̍k-siōng bīn-tùi Lîm Hôa-khèng kòng chhut iū-gōa-iá hong-hiòng ê ko͘-hun hőng-bú-láng, 8-kio̍k-siōng bīn-tùi N̂g Úi-sēng kòng chhut iū-gōa-iá hong-hiòng ê ko͘-hun hőng-bú-láng, káu-kio̍k siōng bīn-tùi Lîm Kok-jū kòng chhut iū-gōa-iá hong-hiòng ê ko͘-hun hőng-bú-láng, sī Tiong-hôa Chit-pāng sú-siōng tē-29-pái 3-hiáng-phàu, ta̍t-sêng chit-pāng seng-gâi 700-hun tit-hun, sī Tiong-hôa Chit-pāng sú-siōng tē-27-ūi.
2020 nî 10 goe̍h 4 hō, tī Sin-chng Iá-kiû-tiôⁿ tùi-chiàn Hù-pang Hān-chiong, 8-kio̍k-siōng bīn-tùi Lîm gē-hô kòng chhut chi̍t-ki hőng-bú-láng, chhòng-hā ta̍t-sêng tan-kùi 20-ki hőng-bú-láng ê kiû-oân lāi-té nî-hòe siōng koân ê kì-lo̍k.^[8]
2021 nî 11 goe̍h 10 hō, tī Tâi-lâm Chhī-li̍p Iá-kiû-tiôⁿ tùi-chiàn Thóng-it 7-ELEVEn Sai, phah-chhut seng-gâi tē-1,700-ki an-táⁿ, sī liân-bêng tē-5-lâng.
2024 nî 6 goe̍h 16, tī Tâi-pak Tōa-kī-tàn tùi-chiàn Thóng-it 7-ELEVEn Sai, 8-kio̍k-hā bīn-tùi tâu-chhiú Brock phah chhut an-táⁿ liáu-āu thau-lúi sêng-kong, chiâⁿ-chò liân-bêng le̍k-sú-siōng tē-9-ūi ta̍t-sêng chhian-an pah-hong pah-thau ê kiû-oân.

Chù-kha

↑ Tiong-hôa Chit-pāng kui-tēng, hêng-sú chū-iû kiû-oân khoân-lī ài phah móa 9-ê kiû-kùi tio̍h ē-sái sin-chhéng.
↑ Chêng 3-ūi sī Phêⁿ Chèng-bín, Phoaⁿ Ui-lûn, Iôⁿ Kiàn-hok, m̄-koh chòe-āu lóng soán-te̍k lâu tī goân-pún ê kiû-tūi, it-ti̍t kàu 2016 nî chiah ū Lîm Tì-sèng sêng-kong choán-tūi ê àn-lē.
↑ Hiaⁿ-tī Chhiōⁿ tī 2014 nî 1 goe̍h chèng-sek bē hō͘ Tiong-sìn Kim-khòng, chiâⁿ-chò "Tiong-sìn Hiaⁿ-tī" tūi.

Chham-khó Chu-liāu

↑ 王意馨 (2024-09-21). "五月天賽後獻聲「歌單藏巧思」！周思齊感動發聲相約花蓮再合唱". 台北: 三立新聞網 setn.com. 2024-09-21 khòaⁿ--ê – via tw.news.yahoo.com.
↑ 倪婉君 (2015-07-31). "「球芽基金」募款啟動周董周思齊：距離目標還差2千9百90多萬..." 自由時報. 新北. Goân-pún bāng-ia̍h Pó-chûn tī 2016-06-16. 2016-06-24 khòaⁿ--ê.
↑ "從失業球員到年度MVP 周思齊：我相信棒球之神". Goân-pún bāng-ia̍h Pó-chûn tī 2016-09-16. 2016-06-24 khòaⁿ--ê.
↑ "中職19年頒獎典禮周思齊得獎感言". Archived from the original on 2021-04-28. 2024-12-13 khòaⁿ--ê. CS1 maint: Unfit url (link)
↑ 林宏翰 (2013-04-13). "周思齊再見安兄弟象終止連敗". 台北: 中央社 CNA. Goân-pún bāng-ia̍h Pó-chûn tī 2013-04-15. 2013-04-13 khòaⁿ--ê – via n.yam.com.
↑ 林宏翰 (2013-07-11). "周思齊開轟加萬盜象3連勝". 台北: 中央社 CNA – via n.yam.com.
↑ 歐建智 (2015-12-21). "周思齊鄉民叫他「甩恩齋」　「甩」帽成流行潮牌還缺貨". 台北: ETtoday新聞雲. Goân-pún bāng-ia̍h Pó-chûn tī 2016-09-14. 2016-08-25 khòaⁿ--ê.
↑ 鍾亞芳 (2020-10-04). "刷新單季20轟最年長紀錄周思齊看許基宏「短打」有感". Goân-pún bāng-ia̍h Pó-chûn tī 2021-01-12. 2020-10-04 khòaⁿ--ê.

Gōa-pō͘ Liân-kiat

Tī Wikimedia Commons téng ê siong-koan tóng-àn: Chou Ssu-Chi

Tâi-oân Pāng-kiû Wiki-koán：周思齊(Hàn-gí)

Chiu Su-chê ê Facebook choan-ia̍h
Chiu Su-chê tī Instagram

chêng-jīm: Lîm Hông-io̍k	Tiong-hôa Chit-pāng nî-tō͘ MVP 2012 nî	kè-jīm: Lîm Ek-choân
chêng-jīm: Lâu Hû-hô Lâu Hû-hô	Tiong-hôa Chit-pāng Chòe-ka 10-jîn Chióng (gōa-iá-chhiú) 2008 nî-2009 nî 2012 nî	kè-jīm: Lâu Hû-hô Tioⁿ Kiàn-bêng
chêng-jīm: Ô͘ Kim-liông	Tiong-hôa Chit-pāng Chòe-ka 10-jîn Chióng (chí-tēng táⁿ-kek) 2020 nî	kè-jīm: Lîm Ek-choân

chêng-jīm: Ô͘ Kim-liông	Tâi-pak-chhī Chit-gia̍p Iá-kiû-oân Kang-hōe Lí-sū-tióⁿ 2018 nî－2022 nî 1 goe̍h	kè-jīm: Tân Kia̍t-hiàn

[1] Tiong-hôa Chit-pāng kui-tēng, hêng-sú chū-iû kiû-oân khoân-lī ài phah móa 9-ê kiû-kùi tio̍h ē-sái sin-chhéng.

[2] Chêng 3-ūi sī Phêⁿ Chèng-bín, Phoaⁿ Ui-lûn, Iôⁿ Kiàn-hok, m̄-koh chòe-āu lóng soán-te̍k lâu tī goân-pún ê kiû-tūi, it-ti̍t kàu 2016 nî chiah ū Lîm Tì-sèng sêng-kong choán-tūi ê àn-lē.

[3] Hiaⁿ-tī Chhiōⁿ tī 2014 nî 1 goe̍h chèng-sek bē hō͘ Tiong-sìn Kim-khòng, chiâⁿ-chò "Tiong-sìn Hiaⁿ-tī" tūi.

[4] 王意馨 (2024-09-21). "五月天賽後獻聲「歌單藏巧思」！周思齊感動發聲相約花蓮再合唱". 台北: 三立新聞網 setn.com. 2024-09-21 khòaⁿ--ê – via tw.news.yahoo.com.

[5] 倪婉君 (2015-07-31). "「球芽基金」募款啟動周董周思齊：距離目標還差2千9百90多萬..." 自由時報. 新北. Goân-pún bāng-ia̍h Pó-chûn tī 2016-06-16. 2016-06-24 khòaⁿ--ê.

[6] "從失業球員到年度MVP 周思齊：我相信棒球之神". Goân-pún bāng-ia̍h Pó-chûn tī 2016-09-16. 2016-06-24 khòaⁿ--ê.

[7] "中職19年頒獎典禮周思齊得獎感言". Archived from the original on 2021-04-28. 2024-12-13 khòaⁿ--ê. CS1 maint: Unfit url (link)

[8] 林宏翰 (2013-04-13). "周思齊再見安兄弟象終止連敗". 台北: 中央社 CNA. Goân-pún bāng-ia̍h Pó-chûn tī 2013-04-15. 2013-04-13 khòaⁿ--ê – via n.yam.com.

[9] 林宏翰 (2013-07-11). "周思齊開轟加萬盜象3連勝". 台北: 中央社 CNA – via n.yam.com.

[10] 歐建智 (2015-12-21). "周思齊鄉民叫他「甩恩齋」　「甩」帽成流行潮牌還缺貨". 台北: ETtoday新聞雲. Goân-pún bāng-ia̍h Pó-chûn tī 2016-09-14. 2016-08-25 khòaⁿ--ê.

[11] 鍾亞芳 (2020-10-04). "刷新單季20轟最年長紀錄周思齊看許基宏「短打」有感". Goân-pún bāng-ia̍h Pó-chûn tī 2021-01-12. 2020-10-04 khòaⁿ--ê.

[chù 1]

[chù 2]

[chù 3]

[1]

[2]

[3]

[4]

[5]

[6]

[7]

[8]