Choân-kok Tiōng-tiám Tāi-ha̍k
Choân-kok Tiōng-tiám Tāi-ha̍k (全国重点大学) sī Tiong-kok chèng-hú tiōng-tiám chi-oān ê tāi-ha̍k. Tiōng-tiám Tāi-ha̍k tī Tiong-kok kok-lāi it-poaⁿ lóng ū chin hó ê miâ-siaⁿ. Ha̍k-seng ê khó-chhì hun-sò͘ it-poaⁿ mā ài te̍k-pia̍t iu-siù chiah ū ki-hōe pī lio̍k-chhú. Ùi 1990 nî-tāi khai-sí, Tiong-kok chèng-hú tùi ko-téng ha̍k-hāu chìn-hêng kái-kek, só͘-í chit-ê miâ-chheng í-keng bô teh sú-iōng. Bo̍k-chiân, in-ūi 985 Kang-têng hām 211 Kang-têng ê si̍t-si, chit-ê kài-liām í-keng tām-hoà.
