Costa Rica
Costa Rica ("Óa-im: "ko-su-tah lí-kah""), chèng-sek hō Costa Rica Kiōng-hô-kok (Se-pan-gâ-gí: República de Costa Rica), sī Tiong Bí-chiu oá Thài-pêng-iûⁿ kap Carib-hái ê kok-ka. I pak-hong sī Nicaragua, tang-lâm-pêng sī Panama.
Costa Rica Kiōng-hô-kok República de Costa Rica | |
|---|---|
.svg) kok-kî
 kok-hui
| |
|
Kok-koa: Himno Nacional de Costa Rica "Costa Rica Kok-koa" | |
 | |
| Siú-to͘ kap siāng-tōa siâⁿ-chhī | San José |
| Koaⁿ-hong gí-giân | Se-pan-gâ-gí |
| sêng-jīn ê tē-hng gí-giân | Limón Creole-gí, Bribri-gí, Jamaica Creole-gí |
| Chèng-hú | tan-it-chè, chóng-thóng-chè, kiōng-hô-kok |
• chóng-thóng | Carlos Alvarado |
• tē-it hù-chóng-thóng | Epsy Campbell Barr |
• tē-jī hù-chóng-thóng | Marvin Rodríguez |
| Li̍p-hoat ki-kò͘ | Li̍p-hoat Gī-hoē |
| Bīn-chek | |
• Lóng-chóng | 51,100 km2 (19,700 sq mi) (tē 126 miâ) |
• chúi-he̍k (%) | 1.05 |
| Jîn-kháu | |
• 2020 nî kó͘-kè | 5,094,118 (tē 123 miâ) |
• Bi̍t-tō͘ | 220/km2 (569.8/sq mi) (tē 107 miâ) |
| GDP (PPP) | 2020 nî kó͘-kè |
• Lóng-chóng | $95.791 cha̍p-ek |
• Pêng-kin | $18,651 |
| GDP (bêng-gī) | 2020 nî kó͘-kè |
• Lóng-chóng | $65.179 cha̍p-ek |
• Pêng-kin | $12,690 |
| Gini (2020 nî) |
 49.7ko |
| HDI (2019 nî) |
 0.810chin ko · tē 62 miâ |
| Hoè-pè | Costa Rica colón (CRC) |
| Sî-khu | UTC-6 (CST) |
| Khui-chhia hong-hiòng | iū |
| Tiān-oē khu-hō | +506 |
| ISO 3166 tāi-hō | CR |
| Siōng-téng domain | .cr |
Le̍k-súSiu-kái
Sian Columbus sî-tāi (pre-Columbian era) ê Costa Rica sī le̍k-sú-ka só͘ kóng Tiong-kan Tē-khu (Intermediate Area), tiō sī Mesoamerica kap Andes bûn-hòa lóng ū éng-hióng ê só͘-chāi.
Tī Se-pan-gâ-gí, la costa rica sī "hù-jū hái-kîⁿ" ê ì-sù. Chiàu chi̍t kóa kóng-hoat chit-ê miâ tāi-seng sī Christopher Columbus kóng--ê, in tī 1502 nî kiâⁿ-chûn kòe Costa Rica tang hái-hōaⁿ khòaⁿ tio̍h chāi-tē ê lâng kòa kim-á. Gil González Dávila mā ū khó-lêng sī chit-ê miâ ê goân-thâu, i sī 1522 nî tī se-hái-hōaⁿ chiūⁿ-lio̍k, tú-tio̍h chāi-tê-lâng, tùi in hia tit tio̍h kim-á.
Se-pan-gâ sî-tāi tōa-pō͘-hūn sî-kan Costa Rica sī Guatemala Chóng Ka-pi-tan-kok (se. Capitanía General de Guatemala) ê siōng lâm-pêng séng-hūn, sǹg Sin Se-pan-gâ chi̍t pō͘-hūn. Hit-tang-chūn ê Costa Rica te̍k-pia̍t sàn-chia̍h, goân-in chi it sī siū Se-pan-gâ hoat-lu̍t kìm-chí kap hū-kīn ê Panama chò bō͘-e̍k.
1821 nî, Se-pan-gâ tī Be̍k-se-ko To̍k-li̍p Chiàn-cheng tang-tiong sit-sè, Guatemala ê chèng-khoân soan-pò͘ Tiong Bí-chiu ê to̍k-li̍p. Chit-ê ji̍t-chí mā sī Costa Rica ê To̍k-li̍p Ji̍t. 1838 nî, hit chūn Tiong Bí-chiu Liân-pang Kiōng-hô-kok í-keng khang-khak chin kú ah, Costa Rica chiah chèng-sek soan-pò͘ i-ê chú-khoân.