Darfur Chiàn-cheng

Darfur Chiàn-cheng, tāi-seng hông hō chò Darfur Chhiong-tu̍t, sī Hui-chiu Sudan kok Darfur tē-hng chē-ê sè-le̍k chi kan ê chiàn-sū. Chiàn-cheng chi̍t khai-sí sī 2003 nî 2 goe̍h sî Sudan Kái-hòng Ūn-tōng (Sudan Liberation Movement) kap Chèng-gī kap Pêng-téng Ūn-tōng (Justice and Equality Movement) nn̄g phài hiòng Sudan chèng-hú ê hoán-khòng. In chú-tiuⁿ chèng-hú ap-chè Darfur chāi-tē ê hui A-la-pek jîn-bîn, hit-tong-sî chèng-hú ê hoán-èng sī tìn-ap jî-chhiá hoat-tōng chéng-cho̍k piàⁿ-chheng.

Tû-liáu chèng-hú, koh ū chi̍t kûn hō-chò Janjaweed ê bîn-kun cho͘-chit, tī tē-hng thâi kóaⁿ í hui-A-la-pek bîn-cho̍k ûi-chú ê jîn-bîn, pah-bān jîn-kháu cháu-siám chhut goân khiā ê só͘-chāi, koh chō-sêng keh-piah ê Chad mā tô ji̍p chiâⁿ 10 bān ê lān-bîn.

Sū-kiāⁿ chō-sêng kúi-a cha̍p bān lâng sí-bông. Sudan chóng-thóng Omar al-Bashir hō͘ Kok-chè Hêng-sū Hoat-īⁿ phòaⁿ bia̍t-cho̍k, chiàn-cheng-chōe, kap hoán-jîn-lūi chōe-miâ.