Gio̍k-san
Gio̍k-san (Ge̍k-soaⁿ[1], 玉山) sī Tâi-oân tiong-pō͘ Gio̍k-san Soaⁿ-me̍h ê chi̍t-ê niá-thâu, tī Ko-hiông-chhī, Lâm-tâu-koān kap Ka-gī-koān ê kau-kài, sì-chiu-ûi siat ū Gio̍k-san Kok-ka Kong-hn̂g. Gio̍k-san ê kôan-tō͘ tùi hái-pêng-bīn sǹg-khí ū 3952 kong-chhió, sī Tâi-oân siāng koân ê soaⁿ.
| Gio̍k-san | |
|---|---|
 | |
| Highest point | |
| Elevation | 3,952 m (12,966 ft) |
| Prominence | 3,952 m (12,966 ft) |
| Listing |
Country high point Ultra |
| Geography | |
  Gio̍k-san | |
| Location | Tâi-oân Lâm-tâu Sìn-gī |
| Climbing | |
| First ascent | 1898 nî, Tek-kok-lâng Karl Theodor Stöpel |
Miâ
siu-káiIsbukun Bunun-gí hō Gio̍k-san chò Savih; Takbanuaz, Takivatan, Takibakha, kap Takitudu kûn ê Bunun hō Saviq, chia jī ê goán ì-sù sī "soaⁿ-téng". Lēng-gōa tī Hoa-lian ê Bunun-lâng mā ū hō i Tonkusqviq.[2] Tī Tsou-gí lāi-bīn, pún soaⁿ sī hō Patungkuanʉ, chit-ê miâ mā sī "Pat-thong-koan" ê gí-goân.[3]
Tī Ji̍t-pún thóng-tī Tâi-oân ê sî-chūn, Gio̍k-san hō chòe "Sin-ko-san" (新高山, Niitakayama). Khah-chá Gio̍k-san tī Eng-gí mā hō "Mt. Morrison", che sī ūi tio̍h beh kì-liām thôan-káu-sū Robert Morrison.