Tsou-gí

Tsou-gí sī Tâi-oân sai-lâm-pō͘ A-lí-san tē-khu tāi-iok 4000 lâng ê kûn-thé só͘ kóng ê giân-gí. Chit khoán giân-gí ū-sî mā hông hō chò "Pak Tsou-gí", khu-pia̍t lâm-pêng hông hō "Lâm Tsou-gí" ê Saaroa-gí kap Kanakanavu-gí.

Tsou thang hun chò 4-khoán hong-giân, Tapangʉ, Tfuya, Luhtu kap Iimucu, siāng bóe khoán í-keng bia̍t-choa̍t. Tapangʉ kap Tfuya liû-thong tī A-lí-san tē-khu ê chi̍t kóa chng-siā, Luhtu hong-giân, ka-taⁿ liû-thong tī Lâm-tâu-koān ê Sìn-gī-hiong lāi-bīn, jî-chhiá í-keng chia̍p-kīn bia̍t-choa̍t, tong-tē ê khiā-khí jîn-kháu, chiām-chhù thè-ōaⁿ chò Bunun lâng. Chia 3-khoán hiān-chûn ê hong-giân, chha-pia̍t chú-iàu tī gú-lūi kiam ho͘-im hong-bīn, tī bûn-hoat ê hun-pia̍t khah sió.

Chham-chiàu

• Elizabeth Zeitoun (2005). "Tsou". Chū Adelaar, Alexander; Himmelmann, Nikolaus P. The Austronesian Languages of Asia and Madagascar. Routledge. ISBN 0-7007-1286-0.