Hàn-jī Bûn-hòa-khoan
(Tùi Hàn-jī bûn-hoà-khoan choán--lâi)
Hàn-jī Bûn-hoà-khoan (漢字文化圈), iā hō-chò Tang A Bûn-hoà-khoan (東亞文化圈), Jû-ka Bûn-hoà-khoan (儒家文化圈) kap Tiong-hoâ Bûn-hoà-khoan (中華文化圈), sī chi̍t ê tī le̍k-sú siōng siū-tio̍h Tiong-hoâ bûn-hoà ia̍h-sī Hàn bûn-hoà kiông-sè éng-hióng ê bûn-hoà-khoan. Tī chit-ê bûn-hoà-khoan lāi ê kok-ka kap tē-khu, tī koè-khì ia̍h-sī chit-má lóng bat kā Hàn-jī kap Hàn-bûn tòng-chò su-bīn-bûn sú-iōng. Chia-ê kok-ka kap tē-khu tī in-ê le̍k-sú siōng, it-poaⁿ mā ū it-tēng thêng-tō͘ siū-tio̍h Tiong-hoâ hoat-hē ê éng-hióng kap chi-pòe.
