Hông-hun ê Kò͘-hiong
Hông-hun ê Kò͘-hiong (黃昏的故鄉) sī chi̍t tiâu Tâi-oân-koa, goân-chhiùⁿ-chiá sī Bûn-hā. Chit-tiâu koa goân-té sī chi̍t tiâu Ji̍t-pún-koa, Ji̍t-gí pán-pún ê goân-chhiùⁿ sī Mihashi Michiya; lo̍h-bóe chiah iû Bûn-hā hoan-chhiùⁿ chò Tâi-gí. Tī kòe-khì chē-chē Tâi-oân-lâng in-ūi tī Kok-bîn-tóng chèng-hú ê thóng-tī hā sī o͘-miâ-toaⁿ ê sêng-oân, tì-sú in 20-goā tang bô-hoat-tō͘ -tńg-lâi Tâi-oân, só͘-í in tī hái-goā ê chū-hōe tiong tiāⁿ-tiāⁿ ē chhiùⁿ chit-tiâu koa, hoâi-liām in ka-kī ê kò͘-hiong Tâi-oân. Che mā sī Kok-bîn-tóng thóng-tī hā ê chi̍t tiâu kìm-koa.
