Hok-kiàn bûn-hòa

Hok-kiàn ū Hok-chiu, Choân-chiu, Chiang-chiu, kap Teng-chiu téng 4 ê Kok-ka Le̍k-sú Bûn-hòa Miâ-siâⁿ, sè-kài bûn-hòa, kap chū-jiân siang-têng ûi-sán Bú-î-soaⁿ í-ki̍p sè-kài bûn-hòa ûi-sán thó͘-lâu téng.

In-ūi soaⁿ-niá chó͘-keh, Hok-kiàn ê bûn-hòa, te̍k-pia̍t sī gí-giân, hui-siông to-iūⁿ-hòa. Tī Hok-kiàn ê gí-giân tiong, Bân-lâm-gí ê thong-hêng hoān-ûi siāng-kài tōa, Bân-tang-gí pâi tē-jī. Chit nn̄g chióng gí-giân hun-pia̍t tāi-piáu Hok-kiàn kéng-lāi nn̄g ê siāng tōa ê cho̍k-kûn bûn-hòa Bân-lâm bûn-hòa kap Bân-tang bûn-hòa. Lâi-chū bô-kāng gí-giân-khu ê lâng tiāⁿ-tiāⁿ su-iàu thàu-kòe tiong-kài gí-giân chiah ē-tàng chìn-hêng kau-liû; taⁿ, Phó͘-thong-ōe (Koaⁿ-ōe) í-keng chiâⁿ-chò siāng chia̍p sú-iōng ê tiong-kài gí-giân.