Jîn-tō-chú-gī
Jîn-tō-chú-gī (人道主義; humanitarianism) sī tiōng-sī jîn-lūi kè-ta̍t ê su-sióng, te̍k-pia̍t sī koan-sim siōng-ki-pún ê lâng ê sèⁿ-miā kap ki-pún seng-chûn chōng-hóng. Koan-chù ê sī lâng ê hēng-hok, kiông-tiāu jîn-lūi chi-kan ê hō͘-chō͘ koan-ài, hām tiōng-sī jîn-lūi ê kè-ta̍t. Siong-tùi-tek, lēng-gōa ū tiōng-sī sîn-bêng, tiōng-sī chū-jiân ia̍h-sī tiōng-sī tōng-bu̍t téng-téng ê su-sióng chú-tiuⁿ.
Jîn-tō-chú-gī kap jîn-pún-chú-gī í-ki̍p jîn-bûn-chú-gī ū bi̍t-chhiat ê koan-hē. Ti se-hong, jîn-tō-chú-gī kap jîn-pún-chú-gī sīm-chì iōng kāng chi̍t-ê bêng-sû lâi piáu-ta̍t. Tī se-hong, jîn-tō-chú-gī khí-goân tī Au-chiu ê bûn-gē-ho̍k-heng sî-kî, chiam-tùi Ki-tok-kàu kàu-hōe thóng-tī siā-hōe ê sîn-tō-chú-gī lâi hêng-sêng ê chi̍t-khoán su-tiâu. Āu-lâi mā iân-sin chò hû-chō͘ jio̍k-chiá ê chû-siān cheng-sîn.