Ji̍t-pún Kau-e̍k-só͘ Chi̍p-thoân

Ji̍t-pún Kau-e̍k-só͘ Chi̍p-thoân (Ji̍t-pún-gí: 日本取引所グループ, Tang Chèng 1 pō͘: 8697), kán-chheng JPX, sī Ji̍t-pún ê chi̍t ê chèng-kǹg kau-e̍k-só͘ chi̍p-thoân, ē-kha ū Tang-kiaⁿ Chèng-kǹg Kau-e̍k-só͘, Tāi-pán Kau-e̍k-só͘, Ji̍t-pún Kau-e̍k-só͘ chū-chú kui-chè hoat-jîn (日本取引所自主規制法人) kap Ji̍t-pún chèng-kǹg kiat-sǹg ki-kò͘ (日本証券クリアリング機構).

JPX sī tī 2013 nî iû Tang-kiaⁿ Chèng-kǹg Kau-e̍k-só͘ Chi̍p-thoân (東京証券取引所グループ) kap Tāi-pán Chèng-kǹg Kau-e̍k-só͘ (大阪証券取引所, taⁿ sī Tāi-pán Kau-e̍k-só͘) ha̍p-pèng kiàn-li̍p ê khòng-kó͘ kong-si, kin-á-ji̍t mā sī A-chiu choè toā ê kúi ê chèng-kǹg kau-e̍k-só͘ chi it.