Khit-chia̍h-oáⁿ

?Khit-chia̍h-oáⁿ
Khit-chia̍h-oáⁿ
Seng-bu̍t-ha̍k hun-lūi
Kài: Plantae Mn̂g: Magnoliophyta Kong: Magnoliopsida Bo̍k: Asterales Kho: Asteraceae Sio̍k: Farfugium Chéng: F. japonicum A-chéng F. j. formosanum
Ha̍k-miâ
Farfugium japonicum formosanum

Khit-chia̍h-oáⁿ sī 1 chióng Tâi-oân goân-seng ê kio̍k-á, mā hō-chò Tâi-oân soaⁿ-kio̍k. Ha̍k-miâ: Farfugium japonicum formosanum.

Khit-chia̍h-oáⁿ sī to-nî-seng ê chhaú-á-lūi.

I ê hoe kap sù-siông khoàⁿ--tio̍h ê kio̍k-á kāng khoán, sī thaû-hêng hoe-sū, i ê hoe-koè sī n̂g--ê.

I ê hio̍h-á ti̍t-chiap ùi kin seⁿ--chhut-lâi, kaū-kaū, to-kak-hêng, chhan-chhiūⁿ phoà--khì ê oáⁿ. Tō sī án-ne, chiah kā hō-chò khit-chia̍h-oáⁿ.

Tâi-pak Chhaú-soaⁿ chhiu--nih khit-chia̍h-oáⁿ moá soaⁿ-phiâⁿ

Chhiu--nih tī bô kài koân ê só͘-chāi lóng ē-tit khoàⁿ tio̍h i ê hêng-iáⁿ.