Kiaⁿ-to͘ Tōng-ōe
Kiaⁿ-to͘ Tōng-ōe (Ji̍t-gí: 京都アニメション Kyôto Animâsyon), kán-lio̍k Kiaⁿ Ani (京アニ Kyô-ani), sī tī Kiaⁿ-to͘-hú Uzi-chhī (宇治市)--ê tōng-ōe chè-chok kong-si, tī 1985 nî chhòng-li̍p. Kong-si--ê piau-á sī tùi hàn-jī "京" (kiaⁿ) kái--ê.[1]
Khài-iàu siu-kái
Ū 3 keng kang-chok-sek, kap Tang-kiaⁿ pān-kong-sek. Pún-té tī Tāi-pán--ê kang-chok-sek piàn-chò chú-kong-si "Animation Do".
Le̍k-sú siu-kái
- 1981 nî chhòng-gia̍p. Kiaⁿ-to͘ Tōng-ōe--ê khí-thâu sī tùi Musi Production (虫プロダクション) chhut-lâi--ê Pat-tiân Iông-chú (八田陽子) kap hū-kīn--ê hū-jîn-lâng chò tōng-ōe si-á-geh--ê khang-khoè khai-sí.
- 1985 nî, piàn-chò iú-hān hōe-siā.
- 1986 nî, siat-li̍p chok-ōe (作畫) pō͘-mn̂g.
- 1987 nî, bāu Tatunokopuro Chè-chok (タツノコプロ制作)--ê Akai Kôdan Zirion(赤い光弾ジリオン).
- 1999 nî, piàn chu-sek hōe-siā (株式會社).
- 2000 nî, chú-kong-si Animation Do sêng-li̍p.
- 2005 nî, iû-hì AIR kái-pian tōng-ōe thui-chhut.
- 2009 nî, tē 1 kài Kiaⁿ-to͘ Tōng-ōe Tāi-chóng (京都アニメーション大賞) kí-pān.
- 2019 nî 7 goe̍h 18 ji̍t, tī Kiaⁿ-to͘-hú Kiaⁿ-to͘-chhī Husimi-khu (伏見區)--ê tē-1 kang-chok-sek hō͘ 41 hòe lâm-sèng hiâm-hoān Chheng-ia̍p Chin-su (青葉真司 Aoba sinzi) pàng-hóe, tì-kàu 35-ê sí-bông, 33-ê siū-siong. Chhú-gōa, hoān-hiâm mā tio̍h tāng-siong.[2][3][4]
Chú-iàu Chok-phín siu-kái
- AIR
- CLANNAD
- Hō͘ hiáng! Siōng-kē-im-hō (響け！ユーフォニアム)
- Lucky Star(らき☆すた)
- K-On!
- Free!
- Liâng-kiong Chhun-ji̍t ê Iu-ut
Chù-kha siu-kái
- ↑ "会社概要". Kiaⁿ-to͘ Tōng-ōe. 2019-07-18 khòaⁿ--ê.(Ji̍t-pún-gí)
- ↑ Ông Tì-khái (王致凱) (2019-07-20). "醫院30多歲傷者…晚間宣告去世 「京都動畫縱火案」增至34死". ETToday Sin-bûn-hûn (-雲). 2019-07-20 khòaⁿ--ê.(Koaⁿ-oē)
- ↑ Chhòa Puē-hong (蔡佩芳) (2019-07-19). "因案情重大 日警罕見提前公布京阿尼兇嫌青葉真司". Liân-ha̍p Sin-bûn-bāng. 2019-07-20 khòaⁿ--ê.(Koaⁿ-oē)
- ↑ "京アニ火災、死者35人に 搬送され入院中の男性1人が死亡". 毎日新聞. 毎日新聞. 2019-07-27. 2019-07-27 khòaⁿ--ê.(Ji̍t-pún-gí)
Gōa-pō͘ liân-kiat siu-kái
- Koaⁿ-hong bāng-chām(Ji̍t-pún-gí)