Ko-hiông Liān-iû-chhiúⁿ

Ko-hiông Liān-iû-chhiúⁿ (高雄煉油廠) sī chi̍t keng kīn-oá Tâi-oân Ko-hiông-chhī Lâm-chú-khu Poàⁿ-pîn-soaⁿ ê liān-iû-chhiúⁿ, bo̍k-chiân í-keng thêng-sán. Ko-hiông Liān-iû-chhiúⁿ ê bīn-chek ū 262 kong-khéng. Ko-hiông Liān-iû-chhiúⁿ thêng-sán chêng ū 3,000 miâ oân-kang, it-hi ê liân-sán-liōng ū 40-bān kong-tùn, sī Tâi-oân Tiong-iû kong-si kòe-khì siōng chú-iàu ê chio̍h-iû liān-chè-chhiúⁿ. Ko-hiông Liān-iû-chhiúⁿ chú-iàu kiong-èng Jîn-tāi Kang-gia̍p-khu kap hā-iû kang-chhiúⁿ ê goân-liāu su-kiû.

Ko-hiông liān-iû-chhiúⁿ

Ko-hiông Liān-iû-chhiúⁿ ê chiân-sin sī Ji̍t-pún sî-tāi ê hái-kun jiân-liāu chhiúⁿ-khu; tī 1947 nî 2 goe̍h oân-sêng siu-ho̍k liáu-āu chài-chhù tâu-ji̍p seng-sán, lo̍h-bóe in-ūi khok-kiàn kè-ōe lâi ín-hoat tn̂g-ta̍t 28 tang ê hoán-khòng ūn-tōng. Chòe-āu tī 2015 nî 11 goe̍h chhe 1 thêng-kang.