Lîm Sè-kong

Lîm Sè-kong (林世功, 1842 nî 2 goe̍h 3 ji̍t – 1880 nî 11 goe̍h 20 ji̍t), piáu-jī Chú-sū (子敘), hō Chhun-pōng (春傍), sī Liû-kiû-kok ê 1 ê koaⁿ-liâu. I sī Liû-khiû ông-sè-chú Siōng Tián ê sian-siⁿ, mā sī Bân-jîn Sam-si̍p-lio̍k-sèng ê hiō-sū. Hong-hō Nagushiku Satunushipechin (名城 里之子親雲上 (ナーグシク サトゥヌシペーチン)).

Ji̍t-pún tī 1879 nî bia̍t-bông Liû-kiû, chiong kok-ông Siōng Thài chi̍t-ke-hoé-á lia̍h khì Tang-kiaⁿ. I kah Hiòng Tek-hông, Chhoà Tāi-téng cháu khì Chheng-kok, iau-kiû Chheng-kok phah Ji̍t-pún. M̄-koh Chheng-kok m̄ koán-thāi in. Lîm Sè-kong tī Chheng-kok chóng-lí gê-mn̂g thâu-chîng chū-sat khòng-gī.