Michael Dertouzos

Michael L. Dertouzos (1936 nî 11 goe̍h 5 ji̍t – 2001 nî 8 goe̍h 27 ji̍t) sī tī Hi-lia̍p Athína chhut-sì ê tiān-náu kho-ha̍k-ka, 1974 nî kàu 2001 nî tī MIT kà-chheh koh hū-chek MIT ê Tiān-nàu Kho-ha̍k Si̍t-giām-sek (Laboratory for Computer Science, LCS).

LCS tī Dertouzos chāi-jīm ê sî ū chin chē chhòng-sin, khó-pí kóng RSA ka-bi̍t (encryption), chhì-sǹg-pió (spreadsheet), NuBus, X Window Hē-thóng (X Window System), Internet. Dertouzos mā kā W3C (World Wide Web Consortium) chhoā khì tī MIT, hia̍p-chō͘ W3C ê ūn-chok. I mā chek-ke̍k chi-chhî GNU Sū-kang (GNU Project), Richard Stallman, FSF (Free Software Foundation, Chū-iû Nńg-thé Ki-kim-hoē).

1968 nî, Dertouzos bat chhòng-li̍p Computek, chò ū tô͘-hêng kong-lêng ê terminal.

Dertouzos tī Athína Ha̍k-īⁿ kiat-gia̍p liáu-āu, the̍h Fulbright Chióng-ha̍k-kim cháu khì Arkansas Tāi-ha̍k tha̍k. 1964 nî tī MIT the̍h tio̍h phok-sū, lō͘-boé tō tī MIT kà-chheh.

Goā-pō͘ liân-kiat

• Dertouzos ê toān-kì Archived 2007-09-27 at the Wayback Machine. (Eng-bûn)

Tù-chok

• Dertouzos, The Unfinished Revolution: Human-Centered Computers and What They Can Do For Us, 2001 nî, ISBN 0-06-662067-8.
• Dertouzos, What Will Be: How the New World of Information Will Change Our Lives, 1997 nî, ISBN 0-06-251479-2.