Chheng-kok kok-kî
| 這篇文章有漢字兮版本。 參考這篇文章兮漢字版本。 |
N̂g-lêng-kî sī Chheng-kok 1888 nî í-āu iōng ê kok-kî.
.svg)
Pōe-kéng
siu-káiSiōng-chá Tiong-kok bô kok-kî ê kài-liām, m̄-koh àn-chiàu hit-tang-chūn ê kok-chè si̍p-koàn, nā chûn bô kòa kok-kî tio̍h ē hőng tòng-chò sī hái-chha̍t, só͘-í Tiong-kok-lâng tio̍h tiāⁿ-tiāⁿ kòa gōa-kok kok-kî lâi bō͘-e̍k, chō-sêng chi̍t-kóa gō͘-hōe, tio̍h put-sî ū gōa-kok tāi-sài kiàn-gī Chheng-kok mā ka-kī chè-tēng chi̍t-ê kok-kî, hong-piān in chai-iáⁿ he sī tó-ūi lâi ê chûn, mā hong-piānTiong-kok-lâng chò seng-ì.
Le̍k-sú
siu-káiSaⁿ-kak N̂g-lêng-kî
siu-kái
1862 nî khai-sí, Chheng-kok chè-tēng saⁿ-kak-hêng ê kî-á lâi khǹg tī koaⁿ-chûn téng-koân, m̄-koh chèng-hú iá-sī bô kā i tòng-chò sī kok-kî.
Tn̂g-ko-hêng N̂g-lêng-kî
siu-kái1881 nî, Chheng-kok hoat-hiān tio̍h pat-ê kok-ka lóng-sī iōng tn̂g-ko-hêng ê kî-á, soah kā Saⁿ-kak N̂g-lêng-kî kái-chò tn̂g-ko-hêng.
Chheng-kok koaⁿ-oân tī gōa-kok ê sî, khòaⁿ-tio̍h pa̍t-ê kok-ka lóng ū ka-kī ê kî-á, kan-na Chheng-kok bô mi̍h-kiāⁿ thang kòa, tio̍h chhiáⁿ Chû-hi Thài-hiō chè-tēng kok-kî, siōng-bóe i soán-te̍k N̂g-lêng-kî chò Chheng-kok kok-kî, pēng-chhiáⁿ soaⁿ-po͘ tùi Kong-sū 14 nî (1888 nî) khai-sí, N̂g-lêng-kî chiâⁿ-chò Tāi-chheng kok-kî.