Ji̍t-pún Iá-kiû Ki-kò͘
Ji̍t-pún Iá-kiû Ki-kò͘ (Ji̍t-bûn: 日本野球機構; lô-má-jī: Nippon Yakyū Kikō), sok-siá NPB, sī Ji̍t-pún kok-lāi siōng ko-kip ê chit-gia̍p iá-kiû liân-bêng. Tī Ji̍t-pún chāi-tē, chia̍p-chia̍p hō-chò Phu-lo̍h Iá-kiû (プロ野球; Puro Yakyū), iā chiū sī chit-gia̍p iá-kiû ê ì-sù. Tī Ji̍t-pún kok-gōa, khah chia̍p hō-chò Ji̍t-pún iá-kiû he̍k-chiá Ji̍t-pún Chit-pāng (日本職棒). Ji̍t-pún Iá-kiû Ki-kò͘ ê sêng-li̍p ē-sái tui-sok kàu 1934 nî sêng-li̍p ê Tāi Ji̍t-bûn Tang-kiaⁿ Iá-kiû Kū-lo̍k-pō͘ (大日本東京野球倶楽部) kah khah-chá ê Ji̍t-pún Iá-kiû Liân-bêng. NPB sī tī 1950 nî Ji̍t-pún Iá-kiû Liân-bêng tiông-chó͘ sî sêng-li̍p.
Bo̍k-chêng kiû-kùi he̍k-chiá pí-sài: 2015 nî Ji̍t-pún Chit-gia̍p Iá-kiû | |
| Chiân-sin | Ji̍t-pún Iá-kiû Liân-bêng |
|---|---|
| Ūn-tōng | Iá-kiû |
| Sêng-li̍p | 1950 nî |
| CEO | Kato Ryozo |
| Tūi-ngó͘ sò͘-liōng | 12 tūi |
| Kok-ka |
 Ji̍t-pún |
| Só͘-chāi | A-sè-a |
| Chòe-kīn koan-kun | Fukuoka SoftBank Hawks (6) |
| Siōng-chē koan-kun | Yomiuri Giants (22) |
| Tiān-sī choán-pò | Huzi Tiān-sī-tâi |
| Koaⁿ-hong bāng-chām |
npb |
NPB bo̍k-chêng iû nn̄g ê kok-chū ióng-iú 6 ki kiû-tūi ê liân-bêng lâi cho͘-sêng; hun-pia̍t sī Tiong-iong Liân-bêng kah Thài-pêng-iûⁿ Liân-bêng. Ta̍k-ê kiû-kùi siōng-bóe, iû nn̄g ê liân-bêng kok-chū iu-sèng tūi-ngó͘ lâi chìn-hêng Ji̍t-pún Tāi-sài, cheng-chhú NPB ê chóng koan-kun.
