Nakasima Mika
Nakashima Mika (中島美嘉; 1983 nî 2 goe̍h 19 ji̍t chhut-sì ), Bân-lâm-gí tha̍k-tsheh-im Tiong-tó Bí-ka, tī Kagosima-kuān tshut-sì. Nakashima sī Ji̍t-pún tsin tshut-miâ--ê tsa-bóo kua-tshiú tsham ián-uân, tsit-má sī Sony im-ga̍k gôo-lo̍k tshiam-iok--ê gē-jîn. Sin-kuân 160 kong-hun, thé-tāng 40 kong-kin. 2001 nî, i king-iû tsú-ián--ê Ji̍t-kio̍k Kizudarake no Love Song (傷だらけのラブソング ) kah tsú-tê-khik Stars lâi tshut-tō. I mā in-uī i ti̍k-pia̍t--ê kò-jîn hong-keh, hōo i piàn-sîng 2000 nî-tāi--ê Ji̍t-pún tāi-piáu kua-ki (歌姬) tsi it. Tû-liáu tshiùnn-kua, ián-uân--ê Nakashima mā siū tio̍h o-ló, tik tio̍h tsin tsē tsióng-hāng--ê khíng-tīng; 2005 nî, i tsú-ián--ê tiān-iánn NANA sī hit nî Ji̍t-pún kok-phìnn nî-tōo phiò-pâng kuan-kun, āu-lâi koh liû-hîng tsuân A-tsiu.
| Ji̍t-bûn siá-hoat | |
|---|---|
| Ji̍t-bûn | 中島 美嘉 |
| Kana | なかしま みか |
| Hepburn-sek Lô-má-jī | Nakashima Mika |
Nakashima tshiùnn-kua ū i ka-kī--ê hong-sik, khik-hong mā tsin tsē khuán, tshin-tshiūnn Iô-kún, Reggae, kah Jazz. Iû-kî sī i ê tsîng-kua siōng-kài tshut-miâ, Stars, Will, Yuki no Hana, Sakurairo Mau Koro, Mienai Hoshi, Life, Orion, Always bô-lūn tī Ji̍t-pún ia̍h-sī tsuân A-tsiu lóng tsin sî-kiânn. Iáu-koh ū, 2003 nî í-āu huat-hîng ê kua-khik tuā-pōo-hūn lóng sī Nakashima i pún-lâng siá--ê sû.
Tsok-phín
siu-káiTuann-khik
siu-káiTsuan-tsi̍p
siu-kái| Tshù-sū | Huat-hîng sî-kan | Miâ-tshing | Tsok-phín kì-lo̍k | Thâu tsiu siau-lōo |
| 1st | 2002 / 8 / 28 | True | ORICON thâu tsiu NO.1 Siau-lōo tshiau-kuè pah-bān tiunn. |
451,230 tiunn |
| 2nd | 2003 / 11 / 6 | Love | ORICON thâu tsiu NO.1 Siau-lōo tshiau-kuè pah-bān tiunn. |
437,218 tiunn |
| 3rd | 2005 / 3 / 9 | Music | ORICON thâu tsiu NO.1 | 231,521 tiunn |
| 4th | 2007 / 3 / 14 | Yes | ORICON thâu tsiu NO.3 | 153,261 tiunn |
| 5th | 2008 / 11 / 26 | Voice | ORICON thâu tsiu NO.1 | 155,502 tiunn |
| 6th | 2010 / 10 / 27 | Star | ORICON thâu tsiu NO.3 | 92,962 tiunn |
| 7th | 2013 / 1 / 30 | Real | ORICON thâu tsiu NO.1 | 49,098 tiunn |
Mini Tsuan-tsi̍p
siu-kái| Tshù-sū | Huat-hîng sî-kan | Miâ-tshing | Tsok-phín kì-lo̍k | Thâu tsiu siau-lōo |
| 1st | 2002 / 11 / 6 | Resistance | ORICON thâu tsiu NO.1 | 132,150 tiunn |
| 2nd | 2004 / 9 / 15 | Oborozukiyo: Inori | 93,416 tiunn |
Tsing-suán-tsi̍p
siu-kái| Tshù-sū | Huat-hîng sî-kan | Miâ-tshing | Tsok-phín kì-lo̍k | Thâu tsiu siau-lōo | Tsóng siau-lōo |
| 1st | 2005 / 12 / 7 | Best | ORICON thâu tsiu NO.1 Siau-lōo tshiau-kuè pah-bān tiunn. |
480,097 tiunn | 1,204,996 tiunn |