Ngó͘-ki chhit-tō

Goki sititô (Hàn-jī: 五畿七道; Kana: ごきしちどう; goki shichitō) ia̍h Ngó͘-ki chhit-tō, sī kó͘-chá Ji̍t-pún tī lu̍t-lēng-chè hā ê kok-thó͘ ōe-hun. Goki (五畿, Ngó͘-ki) sī keng-ki khu-he̍k lāi ê 5-kok, koh hō-chò Kinai (畿內 Ki-lōe) he̍k Gokinai (五畿內). Tī keng-ki goā-kháu ê Ji̍t-pún kok-thó͘ o̍h Tiong-kok Tông-tiâu ê chè-tō͘, ōe-hun sêng sititô (七道, chhit-tō). Sititô chi-kan ū tairo (大路 tāi-lō͘ ), tyûro (中路 tiong-lō͘) kap syôro (小路 siáu-lō͘) ê hun-pia̍t, toā-sè ê hun-pia̍t mā tāi-piáu tio̍h tē-hng hoân-êng ê thêng-tō͘. Goki sititô ê chè-tō͘ thiaⁿ-kóng sī tī Tenmu Thian-hông chāi-ūi sî-tāi só͘ khak-li̍p ê.

Kinai	Tôkaidô	Tôsandô	Hokurikudô
San'indô	San'yôdô	Nankaidô	Saikaidô

Lēng-goā, Hokkaidô goân-pún sī Ezoti (蝦夷地 Hê-î-tē), pēng-bô sio̍k-î chāi Goki sititô lāi; lo̍h-bóe tī Bêng-tī Î-sin liáu-āu chiah ka-ji̍p, hō-chò Goki Hatidô (五畿八道).