Pêng-hô-koān
Pêng-hô-koān (平和縣) tiàm-leh Hok-kiàn Chiang-chiu-chhī óa sai-lâm pêng ê só͘-chāi, chôan-kōan thó͘-tōe bīn-chek 2328.6 k㎡, jîn-kháu liōng-kî-iok-á 53 bān. Sī Hok-kiàn ū-miâ ê kiâu-hiong, Tâi-ôan Hàn-jîn kài tiōng-iàu ê chó͘-che̍k-tōe chit-it.
Hêng-chèng tan-ūi
siu-káiChôan-kōan lóng-chóng 15 ê hiuⁿ-tìn.
Khòng-sán chu-gôan
siu-káiKéng-lāi ê khòng-sán chin-chiàⁿ hong-hù, pau-koat kim, gîn, tâng chāi-lāi lóng-chóng 10 gōa chióng, kî-tiong chio̍h-eng-chio̍h, ko-niá-thó͘ kah hoa-kong-giâm ê hun-pò͘ hōan-ûi chiâⁿ khoah, sò·-liōng chē, phín-chit chán.
Thó͘-te̍k-sán
siu-kái- Kóe-chí: siāng-kài chhut-miâ--ê ài sǹg koaⁿ-khe bi̍t-iū (琯溪蜜柚).
- Tê: Pêng-hô ôan-á sī Tiong-kok o͘-liông-tê ê chú-sán-tē, chhut-sán ê n̂g-tàn (黃旦), kî-lân (奇蘭) kah pat-sian-tê (八仙茶) chit 3-chióng phín-chéng tī Hok-kiàn hām Kńg-tang chit-tah kài ū miâ-siaⁿ.
Bûn-bu̍t kó͘-chek
siu-káiTī Bân-lâm chit-tah hui-siông chhut-miâ ê chhian-nî kó·-biō Sam-phiâⁿ-sī (三平寺), sī Pêng-hô-kōan chôan Chiang-chiu siāng-kài tōa keng, siāng-kài lêng-siàⁿ, hiuⁿ-hóe tē-it ōng ê hu̍t-kàu sèng-tōe.
Hō͘ lâng o-ló chòe " Bân-lâm tē-it soaⁿ " ê Lêng-thong-giâm (靈通岩) tī Pêng-hô.