Pîn-tong Lông-gia̍p Seng-bu̍t Kho-ki Hn̂g-khu

Pîn-tong Lông-gia̍p Seng-bu̍t Kho-ki Hn̂g-khu (屏東農業生物科技園區), kán-chheng Lông-kho (農科), sī Tâi-oân ê tē-it chō lông-gia̍p seng-bu̍t kho-ki hn̂g-khu, ūi-tī Pîn-tong-koān Tióng-tī-hiong, che mā sī thong-sè-kài ûi-it ê lông-gia̍p choan-gia̍p kho-ha̍k hn̂g-khu. Lē-sio̍k tī Lông-gia̍p-pō͘. Lông-kho sêng-li̍p ê bo̍k-tek sī ūi-tio̍h beh hoat-tián lông-gia̍p kho-ki, ín-chìn lông-gia̍p kho-ki jîn-châi, hêng-sêng lông-gia̍p kho-ki ê sán-gia̍p chū-lo̍h, chhiok-chìn lông-gia̍p sán-gia̍p ê choán-hêng seng-kip, lâi khak-pó Tâi-oân lông-gia̍p ê éng-sio̍k keng-êng.