Pang-chān:中國統一

中國統一，屬於國家統一訴求兮一種，建立統一兮華人國家，實現大一統兮主張，毋過對即个概念，各地中國儂佇無仝兮時期有無仝兮理解。歷史上中國政權統一，多數是北方政權統一南方政權。現今主要兮「中國統一」是卜共中華人民共和國統治兮中國大陸地區佮港澳地區，和中華民國統治兮臺灣地區統合做一个統一兮主權國家佮國家政權，終結自1946年到1949年中國內戰佮1949年中共建政造成兮海峽兩岸分治局面。