Pang-chān:捕手

一个準備欲接球兮捕手。（圖內底兮捕手是中華職棒捕手高志綱）

捕手（英語：Catcher；縮寫代碼：C；紀錄代碼：2），閣號做khià-tsì （キャッチ），是野球抑是壘球比賽當中兮球員之一，負責接捕投手投球佮本壘附近兮擊球，防止走壘員兮偷壘，嘛愛鎮守本壘阻止對方球員得分，閣愛指導投手配球佮指揮球場內底守備球員兮位置，有「球場內兮教練」兮稱呼。因為傳球方向兮關係，捕手大部分攏是正手仔。

安全防護

穿完整裝備兮捕手。（圖內底是高志綱）

因為捕手愛接捕投手投出兮懸到130公里以上兮球、甚至是超過150公里兮球，嘛四常會予槌仔手拍出兮球拍着，閣愛面對對方球員為着安全得分所發生兮相挵，所以捕手是所有守備位置內底裝備上濟、保護上完善兮。捕手咧守備兮時，頭會掛面帕，胸前、跤頭趺、跤後肚、跤目佮骱邊嘛攏會穿護具，捕手兮手套嘛是所有手套內底上厚兮。

打擊能力

一般來講，捕手上重要兮是守備、配球佮指揮球隊兮能力，而且規場比賽攏愛用跍兮方式來守備，誠無爽快，所以打擊能力一般較䆀，走壘速度通常嘛較慢。毋過近年來守備、配球、指揮佮打擊能力攏𣍐 (bē)䆀兮捕手嘛𣍐 (bē)少，着是「攻擊型捕手」，像中華職棒樂天桃猿兮林泓育。

外部連結

Tâi-oân Pāng-kiû Wiki-koán：捕手(Hàn-gí)

Che sī chi̍t phiⁿ kap iá-kiû siong-koan ê phí-á-kiáⁿ. Chhiáⁿ tàu khok-chhiong.