Wikipedia

Lo̍k-thian Thô-hn̂g Iá-kiû-tiûⁿ

(Tùi Rakuten Thô-hn̂g Iá-kiû-tiûⁿ choán--lâi)
這篇文章有漢字兮版本。
參考這篇文章兮漢字版本。


Lo̍k-thian Thô-hn̂g Iá-kiû-tiûⁿ, goân-té hō-chò Thô-hn̂g Kok-chè Iá-kiû-tiûⁿ, tùi 2022-nî khai-sí chiap-siū Lo̍k-thian Chi̍p-thoân koan-miâ kái-chò chit-má ê miâ, [6]ūi-tī Tâi-oân Thô-hn̂g-chhī Chheⁿ-po͘, koh hō-chò Chheⁿ-po͘ Kiû-tiûⁿ, Chheⁿ-po͘ Iá-kiû-tiûⁿ, Thô-hn̂g Tōa-kī-tàn; chit-ê só͘-chāi goân-té kui-ōe beh khí Chheⁿ-po͘ Kī-tàn, tān-sī lo̍h-bóe bô-khí kī-tàn[7], kái-chò khí kok-chè piau-chún iá-kiû-tiûⁿ, 2009-nî oân-kang, 2011-nî chiâⁿ-chò Tiong-hôa Chit-pāng Lamigo Thô-oân ê chú-tiûⁿ[5]. 2012-nî ūi-tio̍h kí-pān 2012-nî Sè-kài Tāi-ha̍k Iá-kiû Kím-phiau-sài ke khí gōa-iá koan-chiòng-se̍k, chē-ūi tùi 12,000-se̍k cheng-ka kàu 20,000-se̍k[8][9]. 2020-nî Lamigo Thô-oân bē hō͘ Lo̍k-thian liáu-āu mā chiâⁿ-chò Tiong-hôa Chit-pāng Lo̍k-thian Thô-oân ê chú-tiûⁿ.

Lo̍k-thian Thô-hn̂g Iá-kiû-tiûⁿ
Rakuten Taoyuan Baseball Stadium
Ki-pún chu-liāu
位置  Tiong-hôa Bîn-kok Thô-hn̂g-chhī Tiong-le̍k-khu Léng-hâng-pak-lō͘ 1-tōaⁿ 1-hō
座標 25°0′4.73″N 121°12′5.83″E / 25.0013139°N 121.2016194°E / 25.0013139; 121.2016194
施工 2008-nî 12-goe̍h 24[1]
啟用 2009-nî 12-goe̍h 12[2]
業主 Thô-hn̂g Chhī-chèng-hú
營運單位 Lo̍k-thian Thô-oân[2]
草坪表層 Thian1-jian5 tshau2-poo1-a2
建築師 Tân Sìn-chiong Kiàn-tio̍k-su Sū-bū-só͘[3]
容納人數 Iá-kiû: 20,000-se̍k
Ián-chhiùⁿ-hōe: iok 25,000-se̍k[4]
草坪面積 Chó-gōa-iá: 330 feet
Tiong-gōa-iá: 400 feet
Iū-gōa-iá: 330 feet
使用者 Lamigo Thô-oân／Lo̍k-thian Thô-oân (2011-nî－)[5]
公共交通 Thô-hn̂g Chia̍t-ūn:
Thô-hn̂g Thé-io̍k Hn̂g-khu Chām

Chit-ê kiû-tiûⁿ tû-liáu kok-chè iá-kiû-tiûⁿ í-gōa, koh lēng-gōa khí Nâ-kiû-tiûⁿ, Lúi-kiû-tiûⁿ..., pēng-chhiáⁿ koh-ū hù-sio̍k kiû-tiûⁿ Chheⁿ-po͘ Ūn-tōng Kong-hn̂g Iá-kiû-tiûⁿ.[10]

Le̍k-sú

siu-kái

2008-nî 12-goe̍h 24, kiû-tiûⁿ chèng-sek khí-kang.[1] 2009-nî 12-goe̍h 12, kiû-tiûⁿ chèng-sek oân-kang, keh-ji̍t chèng-sek khé-iōng. 12-goe̍h 28, kí-pān 2009-nî Bí-chin-lông-poe Choân-kok Sêng-pāng Nî-tō͘ Bêng-chú Cheng-pà-sài, mā sī Thô-hn̂g Kiû-tiûⁿ ê tē-1-tiûⁿ pí-sài.[11]2010-nî 3-goe̍h 21，Tiong-hôa Chit-pāng thâu-chi̍t-pái tī Thô-hn̂g Iá-kiû-tiûⁿ chìn-hêng pí-sài, lo̍h-bóe sī Thóng-it 7-ELEVEn Sai í 8:5 kek-pāi Hiaⁿ-tī Chhiūⁿ.[12] 10-goe̍h 4-hō, chng-siat LED tōa-êng-bō͘.[13] 10-goe̍h 19, chit-pāng Chóng-koan-kun-sài thâu-chi̍t-pái tī chia chìn-hêng, lo̍h-bóe Hiaⁿ-tī Chhiūⁿ í 3:0 kek-pāi Hèng-lông Gû. 2011-nî 1-goe̍h 6-hō, Lamigo Thô-oân khai-sí jīn-ióng Thô-hn̂g Kiû-tiûⁿ. 2012-nî 10-goe̍h 16, gōa-iá koan-chiòng-se̍k tī Chóng-koan-kun-sài chèng-sek khé-iōng.[14][15]

Tī Lamigo Thô-oân thui-tōng tan-it chú-tiûⁿ chè kah kái-piàn ka-iû ê hong-sek chi-hā, Thô-hn̂g Iá-kiû-tiûⁿ í-keng chiâⁿ-chò choân Tâi-oân khòaⁿ-kiû khoân-kéng iu-chit ê iá-kiû-tiûⁿ, m̄-nā koan-chiòng-se̍k khoân-kéng chheng-khì, koh tōa-chhut-chhiú kái-kiàn it sam-lúi-chhek kiû-oân hiu-sek-sek téng-koân ê èng-oān bú-tâi, keng-sin pò͘-im siat-pī, ke khí DJ-sek,[16] hō͘ kiû-thoân tī 2014-nî kiû-kùi, si̍t-si "choân-oân chú-tiûⁿ", lāi-iá ē-chân khòaⁿ-tâi àn-chiàu kah bú-tâi ê kī-lī pun-chò jia̍t-khu kah hui-jia̍t-khu, pēng-chhiáⁿ pêng-ji̍t kah kà-ji̍t ê phiò mā ū bô-kâng ê kè-siàu, lēng-gōa kheh-tūi ê èng-oān-khu mā sóa-khì iū-gōa-iá khòaⁿ-tâi.[17] 2016-nî kiû-thoân koh tī lāi-iá khòaⁿ-tâi ke chng khoân-hêng LED êng-bō͘, pēng-chhiáⁿ tī sam-lúi-chhek siat-tì ho̍k-ha̍p-sek chhan-ím-khu.[18]2020-nî tī Lamigo Thô-oân bē hō͘ Lo̍k-thian Chi̍p-thoân Tu-sek Hōe-siā liáu-āu tī it-lúi-chhek, sam-lúi-chhek siat-tì "Rock Seat" khu.[19]2022-nî iû Lo̍k-thian Chi̍p-thoân koan-bêng chò "Lo̍k-thian Thô-hn̂g Iá-kiû-tiûⁿ"[20], pēng-chhiáⁿ tī pún-lúi āu-piah siat-tì "Chun-oân-se̍k", kā í-á kái-chò kah Ji̍t-pún Lo̍k-thian Seng-bēng Kiû-tiûⁿ kāng-khoán ê í-á pēng-chhiáⁿ tī it-lúi-chhek téng-koân ê khòaⁿ-tâi siat-tì "Thoân-oân-se̍k".[21]2023-nî tī chó-gōa-iá khòaⁿ-tâi siat-tì "Tōa-lo̍k Pàng-sang-khu", ū chháu-á-po͘-khu kah iá-chhan-khu. 2023-nî-té khai 1.2-ek chìn-hêng "tē-tiûⁿ pâi-chúi kah phùn-koàn hē-thóng kái-siān", "àm-sî chiàu-bêng hē-thóng kái-siān" kah "gōa-iá khòaⁿ-tâi tē-pêⁿ kah í-á keng-sin" téng 3-tōa kang-têng, gōa-iá khòaⁿ-tâi í-á choân-pō͘ keng-sin, iōng Lo̍k-thian Thô-oân ê tāi-piáu-sek Lo̍k-thian âng.

Kí-pān ê Oa̍h-tāng

siu-kái

Tiōng-iàu Sài-sū

siu-kái

Kiû-tiûⁿ Kì-lo̍k

siu-kái

Siú-ūi Kì-lo̍k

siu-kái
Gia̍p-û Iá-kiû Chit-gia̍p Iá-kiû
Thâu-tiûⁿ Pí-sài 2009-nî 12-goe̍h 28[11]
Tâi-pak-koān Iá-kiû-tūi 1:4 Bí-hu Kī-jîn 		2010-nî 3-goe̍h 21[12]
Hiaⁿ-tī Chhiūⁿ 5:8 Thóng-it 7-ELEVEn Sai[22][23]
Thâu-chi̍t-ê sian-hoat tâu-chhiú Si Hông-bêng Williams
Thâu-chi̍t-ê sèng-tiûⁿ tâu-chhiú Lîm Ùi-jū Sím Pek-chhong
Thâu-chi̍t-ê pāi-tiûⁿ tâu-chhiú Si Hông-bêng Tracy Thorpe
Thâu-chi̍t-ê tiong-kè sêng-kong tâu-chhiú Lîm Sîn-hōa Chan Péng-hūi
Thâu-chi̍t-ê kiù-oān sêng-kong tâu-chhiú Khu Hō-kun Lîm Ga̍k-pêng
Thâu-chi̍t-ki an-táⁿ Chhōe bô chu-liāu Ông Sèng-úi
Thâu-chi̍t-ki táⁿ-tiám Chô Chì-pôe Chiu Su-chê
Thâu-chi̍t-ki hőng-bú-láng Tân Úi-chì Ko Kok-khèng

Kî-thaⁿ

siu-kái
  • Thâu-chi̍t-tiûⁿ móa-tiûⁿ pí-sài: 2010-nî 3-goe̍h 21, Tiong-hôa Chit-pāng 21-nî tē-2-tiûⁿ lē-hêng-sài Sai-Chhiūⁿ-chiàn, koan-chiòng jîn-sò͘ 1.2-bān lâng.[12]
  • Siōng-chē tit-hun ê pí-sài: 2012-nî 8-goe̍h 10-hō, Tiong-hôa Chit-pāng 23-nî tē-175-tiûⁿ lē-hêng-sài, Hèng-lông Gû 5:24 Lamigo Thô-oân, mā-sī Tiong-hôa Chit-pāng sêng-li̍p í-lâi siōng-chē tit-hun ê pí-sài.[24][25]
  • Pòaⁿ-kùi chú-tiûⁿ siōng-chē sèng kah siōng-koân ê sèng-lu̍t: 2017-nî, Lamigo Thô-oân tī Thô-hn̂g chú-tiûⁿ í pòaⁿ-kùi 25-sèng 5-pāi, sèng-lu̍t .833, chhòng-chō liân-bêng ê sin kì-lo̍k.[26]
  • Tiong-chit kì-lo̍k: 2020-nî 6-goe̍h 6-hō, Tiong-hôa Chit-pāng 31-nî tē-76-tiûⁿ lē-hêng-sài, Chu Io̍k-hiân kòng chhut Tiong-hôa Chit-pāng tē-10000-hō hőng-bú-láng.[27]
  • Kò-jîn siōng-chē hőng-bú-láng: 2023-nî 4-goe̍h 16, Tiong-hôa Chit-pāng 34-nî tē-25-tiûⁿ lē-hêng-sài, Ngayaw Ake' kòng-chhut kò-jîn tē-300 hong, chiâⁿ-chò Tiong-hôa Chit-pāng le̍k-sú lāi-té siōng-chē hőng-bú-láng ê kiû-oân.

Chham-khó Chu-liāu

siu-kái
  1. ↑ 1.0 1.1 "桃園國際棒球場破土動工　朱立倫：為所有人築棒球夢想" (ēng Hôa-gí). 中華職棒大聯盟. 2008-12-24. goân-loē-iông tī 2008-12-26 hőng khó͘-pih. 2013-04-03 khòaⁿ--ê. 
  2. ↑ 2.0 2.1 "桃園國際棒球場" (ēng Hôa-gí). 桃園縣政府. goân-loē-iông tī 2013-06-22 hőng khó͘-pih. 2013-03-24 khòaⁿ--ê. 
  3. ↑ "桃園縣議會第16屆第5次定期會-工務處工作報告" (DOC文件) (ēng Hôa-gí). 桃園縣政府. p. 7. 2013-04-03 khòaⁿ--ê. [íng-íng bô-hāu ê liân-kiat]
  4. ↑ 生活中心 (2022-12-2). "五月天演唱會桃園開唱　2.5萬人頂9度低溫嗨翻全場". 客新聞. 2024-10-03 khòaⁿ--ê. 
  5. ↑ 5.0 5.1 "2013 Lamigo Monkeys 那米哥桃猿隊全球資訊網-猿來如此" (ēng Hôa-gí). goân-loē-iông tī 2013-03-30 hőng khó͘-pih. 2013-03-24 khòaⁿ--ê. 2011年球季更將主場移到球迷支持眾多的桃園青埔國際棒球場 
  6. ↑ 王真魚 (2022-04-05). "樂天冠名桃園球場首創先例！新名稱主場今亮相" (ēng Hôa-gí). ETtoday新聞雲. Goân-pún bāng-ia̍h Pó-chûn tī 2022-12-08. 2022-12-08 khòaⁿ--ê. 
  7. ↑ 陳文正 (2007-06-24). "巨蛋棒球場 孵4年終告吹" (ēng Hôa-gí). 自由時報. Goân-pún bāng-ia̍h Pó-chûn tī 2012-04-26. 2013-04-03 khòaⁿ--ê. 
  8. ↑ "桃園青埔國際棒球場外野看台增建工程" (ēng Hôa-gí). 桃園縣政府. goân-loē-iông tī 2016-03-04 hőng khó͘-pih. 2013-04-03 khòaⁿ--ê. 
  9. ↑ 謝武雄 (2012-02-11). "《桃園棒球場擴建》觀賽席常坐不滿 網友批" (ēng Hôa-gí). 自由時報. Goân-pún bāng-ia̍h Pó-chûn tī 2012-10-02. 2013-04-03 khòaⁿ--ê. 
  10. ↑ "桃園青埔國際棒球場及運動公園計劃-桃園國際棒球場興建工程" (ēng Hôa-gí). 桃園縣政府工務局. 2013-04-03 khòaⁿ--ê. [íng-íng bô-hāu ê liân-kiat]
  11. ↑ 11.0 11.1 "2009盟主賽：陳偉志敲桃園球場首轟　巨人踏平台北縣" (ēng Hôa-gí). 中華民國棒球協會. Goân-pún bāng-ia̍h Pó-chûn tī 2013-10-31. 2013-04-12 khòaⁿ--ê. 
  12. ↑ 12.0 12.1 12.2 "2010/03/21 兄弟 VS. 統一7-ELEVEn獅" (ēng Hôa-gí). 中華職棒大聯盟. Goân-pún bāng-ia̍h Pó-chûn tī 2022-11-29. 2013-03-31 khòaⁿ--ê. 
  13. ↑ "桃園施政成果 桃園青埔國際棒球場裝設LED顯示屏設備" (ēng Hôa-gí). 桃園縣政府. goân-loē-iông tī 2016-03-04 hőng khó͘-pih. 2013-04-07 khòaⁿ--ê. 
  14. ↑ "桃園球場外野啟用煙火秀" (ēng Hôa-gí). 中華職棒大聯盟. 2012-10-03. Goân-pún bāng-ia̍h Pó-chûn tī 2022-11-29. 2013-04-14 khòaⁿ--ê. 
  15. ↑ "台灣大賽／桃園外野啟用煙火秀　黑武士來助陣" (ēng Hôa-gí). ETtoday. 2012-10-17. Goân-pún bāng-ia̍h Pó-chûn tī 2013-04-16. 2013-04-14 khòaⁿ--ê. 
  16. ↑ 體育中心／綜合報導 (2013-03-14). "中職／與國際接軌　桃園棒球場再升級" (ēng Hôa-gí). ETtoday新聞雲. Goân-pún bāng-ia̍h Pó-chûn tī 2022-12-06. 2022-11-29 khòaⁿ--ê. 
  17. ↑ 郭羿婕 (2014-05-06). "中職會長挺全猿 犀牛吞下去". Goân-pún bāng-ia̍h Pó-chûn tī 2014-05-06. 2014-05-06 khòaⁿ--ê. 
  18. ↑ 郭羿婕 (2016-03-17). "中職》全猿主場升級 環形LED搶先亮相（影音）" (ēng Hôa-gí). 自由時報. Goân-pún bāng-ia̍h Pó-chûn tī 2022-11-27. 2022-11-27 khòaⁿ--ê. 
  19. ↑ "球場改建未來感受「樂」力 桃猿推Rock Seat與VIP SUITE" (ēng Hôa-gí). Rakuten Monkeys 樂天桃猿官方網站. 2020-04-03. Goân-pún bāng-ia̍h Pó-chûn tī 2022-11-27. 2022-11-27 khòaⁿ--ê. 
  20. ↑ 李弘斌; 陳麒全 (2022-11-27). "中職》企業冠名首例 樂天桃猿棒球場亮相". 中時電子報. Goân-pún bāng-ia̍h Pó-chûn tī 2024-05-08. 2024-05-08 khòaⁿ--ê. 
  21. ↑ 吳政紘 (2022-03-04). "中職／樂天全猿主場大改建　尊猿席登場" (ēng Hôa-gí). NOWnews今日新聞. Goân-pún bāng-ia̍h Pó-chûn tī 2022-11-27. 2022-11-27 khòaⁿ--ê. 
  22. ↑ "3月21日中職桃園青埔棒球場首戰全新起飛 棒球接駁車為您服務" (ēng Hôa-gí). 中華職棒大聯盟. 2010-03-18. Goân-pún bāng-ia̍h Pó-chûn tī 2022-11-29. 2013-03-31 khòaⁿ--ê. 
  23. ↑ "桃園首戰開出紅盤　統一票房戰績雙贏" (ēng Hôa-gí). 中華職棒大聯盟. 2010-03-21. Goân-pún bāng-ia̍h Pó-chûn tī 2022-11-29. 2013-03-31 khòaⁿ--ê. 
  24. ↑ "第175場 一軍例行賽(桃園)" (ēng Hôa-gí). 中華職棒大聯盟. 2012-08-10. Goân-pún bāng-ia̍h Pó-chûn tī 2019-08-12. 2017-06-28 khòaⁿ--ê. 
  25. ↑ "破聯盟紀錄灌進24分 Lamigo單場6轟大勝興農" (ēng Hôa-gí). 中華職棒大聯盟. 2012-08-10. Goân-pún bāng-ia̍h Pó-chûn tī 2019-08-11. 2017-06-28 khòaⁿ--ê. 
  26. ↑ "桃猿上半季主場勝率8成33　打破高懸22年紀錄" (ēng Hôa-gí). ETtoday. 2017-06-28. Goân-pún bāng-ia̍h Pó-chûn tī 2017-06-28. 2017-06-28 khòaⁿ--ê. 
  27. ↑ 蘇志畬 (2020-06-06). "萬轟達成／史上1萬轟出爐 朱育賢一砲為球隊留名" (ēng Hôa-gí). 聯合報. Goân-pún bāng-ia̍h Pó-chûn tī 2021-01-05. 2020-06-13 khòaⁿ--ê. 

Gōa-pō͘ Liân-kiat

siu-kái

Tâi-oân Pāng-kiû Wiki-koán：Lo̍k-thian Thô-hn̂g Iá-kiû-tiûⁿ(Hàn-gí)

 

Tī Wikimedia Commons téng ê siong-koan tóng-àn: Taoyuan International Baseball Stadium

Lâi-goân: "https://zh-min-nan.wikipedia.org/w/index.php?title=Lo̍k-thian_Thô-hn̂g_Iá-kiû-tiûⁿ&oldid=3220862"