Sió-bûn-chheng-pan-tia̍p
| ?Sió-bûn-chheng-pan-tia̍p | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||
| Seng-bu̍t-ha̍k hun-lūi | ||||||||||||||||||
| ||||||||||||||||||
| Ha̍k-miâ | ||||||||||||||||||
| Tirumala septentronis ? |
Sió-bûn-chheng-pan-tia̍p (Hàn-jī: 小紋青斑蝶; ha̍k-miâ: Tirumala septentronis) sī chi̍t-chióng bóe-ia̍h-á, si̍t-kó· thíⁿ--khui ū 75 kàu 95 mm. Si̍t-kó· chhim ka-pi-sek, koh-ū chheng-sek sòaⁿ-tiâu ê pan-bûn; nā-sī-kah kīn-sū-chéng pí-kàu--khí-lâi, pún-chéng si̍t-kó· piáu-bīn (kha-chiah-phiaⁿ hit-bīn) ê sek-chúi siāng-chhim, chheng-sek pan ê bīn-chek siāng-sió. Kang--ê kap bó--ê ê pan-bûn sio-siâng, m̄-koh hiông-tia̍p ē-kha-si̍t-kó· pak-tó·-bīn ū ke seⁿ chi̍t-phìⁿ ka-pi-sek ê liû (瘤).
Sêng-thâng ji̍t--sî chhut-lâi o̍ah-tāng chhōe-chia̍h, si̍t-chháu-sèng, seng-o̍ah tī chháu-châng ê khoân-kéng, chiâⁿ ài sì-kè pài-hóng hoe-châng; tī Tâi-oân hun-pò· tī tiong-pō· kap pak-pō· kē-hái-po̍at ê soaⁿ-khu, lâm-pō· khah-hán-tit khòaiⁿ.